Zaɓen Gwamnan Bayelsa: Timipre Sylva Ya Sake Lallasa Gwamna Diri a Wata Karamar Hukuma

• Ɗan takarar gwamnan jam'iyyar All Progressives Congress (APC) a zaɓen gwamnan jihar Bayelsa ya sake lallasa Gwamna Diri na PDP
• Timipre Sylva ya lashe zaɓen ƙaramar hukumar Brass inda nan ne mahaifarsa, inda hakan ya sanya ya lashe ƙananan hukumomi biyu cikin bakwai
• Gwamna Duoye Diri na jam'iyyar Peoples Democratic Party (PDP) yana kan gaba inda ya lashe zaɓen gwamnan a ƙananan hukumomi biyar cikin bakwai

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Bayelsa - Timipre Sylva, ɗan takarar jam'iyyar All Progressives Congress (APC) a zaben gwamnan jihar Bayelsa, ya sake lashe zaɓe a wata ƙaramar hukuma.

Gwamna Duoye Diri na jam’iyyar PDP wanda ke kan gaba a zaɓen ya lashe ƙananan hukumomi biyar.

Kara karanta wannan

Hadimin Shugaba Tinubu ya magantu kan zaben Bayelsa, ya aike da sako ga gwamna Diri na PDP

Amma lokacin da aka dawo tattara sakamakon zaɓen a ranar Litinin, 13 ga watan Nuwamba, an ayyana Sylva a matsayin wanda ya lashe zaɓen gwamna a ƙaramar hukumar Brass inda ya fito, cewar rahoton Daily Trust.

Sakamakon zaɓen ƙaramar hukumar Southern Ijaw kawai ya rage kafin a kammala tattara sakamakon zaɓen.

Ga yadda sakamakon zaɓen na ƙaramar hukumar Brass yake:

Jimillar masu kaɗa ƙuri'a - 94,040

Jimlar masu kaɗa ƙuri'a da aka tantance - 32,064

APC – 18,431

PDP – 12,602

LP - 83

NRM - 31

Ga sakamakon zaɓen sauran ƙananan hukumomin da aka bayyana:

Ogbia

APC - 16,319

PDP - 18,435

LP - 57

Kolokuma-Okokuma

APC - 5,349 PDP - 18,465 LP - 22

SAGBAMA

APC - 6,608

PDP - 35,504

LP - 217

Kara karanta wannan

To fa: Wakilin APC ya tubure, ya faɗi abin da ka iya canza sakamakon zaben Gwamnan jihar Bayelsa

Yenegoa

APC - 14,534

PDP - 37,777

Nembe

APC - 22,248

PDP - 4,556

LP - 113

Ekeremor

APC - 8,445

PDP - 23,172

LP - 50

INEC Ta Ɗage Tattara Sakamakon Zaɓe

A wani labarin da mu ka kawo muku a baya, kun ji cewa hukumar zaɓe mai zaman kanta ta ƙasa (INEC) ta ɗage tattara sakamakon zaɓen gwamnan jihar Bayelsa na ranar Asabar, 11 ga watan Nuwamba.

INEC ta ɗage tattara sakamakon zaɓen ne bayan ta karɓi sakamakon zaɓen gwamnan daga ƙananan hukumomi uku.

Asali: Legit.ng