“Ni Matar Aure Ce”: Ododo, Dan Takarar APC a Kogi Ya Yi Barambarama Yayin da Ya ke Shagube Ga Dino

• An gano dan takarar gwamnan jam'iyyar APC a jihar Kogi, Usman Ododo, yana kiran kansa da mace
• Ga dukkan alamu Ododo na yin shagube da abokin adawarsa na PDP, Dino Melaye ne wanda bai da aure
• Wasu yan Najeriya sun garzaya sashin sharhi na bidiyon don yin martani daban-daban

An gano Usman Ododo, dan takarar gwamnan jam’iyyar APC a zaben ranar Asabar da za a yi a jihar Kogi a cikin wani bidiyo yana yin barambarama yayin da yake jawabi ga taron jama’a inda ya kira kansa da “matar aure”.

Ana zargin cewa dan takarar gwamnan na APC yana kokarin yin shagube ne ga babban abokinb hamayyarsa na jam'iyyar PDP, Dino Melaye, wanda bai da aure.

Usman Ododo na APC ya yi barambarama

A dan gajeren bidiyon, an jiyo Ododo yana cewa:

Kara karanta wannan

Fitaccen dan takarar gwamnan jihar Kogi ya janye ana dab da zabe? Gaskiya ta bayyana

"Muna so mu baku tabbacin cewa Ni, Ahmed Usman Ododo, ni matar aure ce, ina da kamun kai."

Wani mai suna Morris Monyo ne ya wallafa bidiyon dan takarar na APC a Twitter a ranar Laraba, 8 ga watan Nuwamba.

"Kalli mai kwakkwalwar da APC take da shi da za ta bayar a jihar Kogi a matsayin Gwamna."

Ga wallafar a kasa:

Yadda yan Najeriya suka yi martani ga barambaramar Ododo

Da suke martani a sashin sharhi, wasu yan Najeriya sun tofa albarkacin bakunansu. Duba martaninsu a kasa:

Joseph Arinze ya roki Allah ya kawowa Najeriya dauki daga hannun APC. Ya ce:

"Allah, shin za ka ceto Najeriya daga hannun APC?"

Maestro ya nuna yakinin cewa mutanen jihar ba za su yi wani abu a kai ba. Ya ce:

"Mutanen Kogi na kallo kuma abun bakin ciki ba lallai su yi wani abu a kai ba."

Kara karanta wannan

Kwadayi Ya Jawo Mana: Jagora a PDP Ya Fadi Wadanda Su ka Yi Sanadiyyar Fadi Zabe

Ifeanyichukwu ya bukaci APC da ta yi waje da mambobin da basu cancanta ba. Ya ce:

"APC ta yi waje da baragurbin mambobinta idan har tana so ta rayu bayan Tinubu."

Malami ya hango bala'i a zaben Kogi

A wani labarin kuma, mun ji cewa Fasto Eneojo Suleman, ya hango gagarumin bala'i tattare da zaben gwamna a jihar Kogi.

Fasto Suleman wanda yake haifaffen jihar ya ce za a yi rikici sosai a zaben gwamnan jihar da za a yi a ranar Asabar, 11 ga watan Nuwamba.

Asali: Legit.ng