Akwa Ibom: Gwamnan PDP Ya Hana Jiga-Jigan Jam’iyyar Tatse Baitul Malin Jiharsa

• Gwamna Umo Eno ya gargadi shugabannin jam'iyyar Peoples Democratic Party (PDP) da sauran masu fada a ji a jihar Akwa Ibom
• Gwamna Eno ya ce ba zai ba da kafar da za a sace baitul malin jihar ba domin ya gwammaci shekaru hudu masu kyau fiye da wa'adi biyu mara amfani
• Ya aike sakon ne ga wasu shugabannin jam'iyyar da masu fada aji da suka sha alwashin janye goyon bayansu daga gare shi idan ya nemi zarcewa

Uyo, Akwa Ibom - Gwamnan jihar Akwa Ibom, Umo Eno, ya bayyana cewa ya gwammaci shekaru hudu masu kyau da amfani a karagar mulki fiye da wa'adi biyu mara amfani.

Gwamna Eno ya bayyana hakan ne yayin da yake martani da sukar da yake sha daga wasu fusatattun mambobin jam'iyyar Peoples Democratic Party (PDP) wadanda suka sha alwashin janye goyon bayansu daga gare shi idan ya yi kokarin zarcewa a karo na biyu.

Kara karanta wannan

Shugabanni da Kusoshin Jam'iyya Sun Jingine Tsohon Gwamna, Sun Koma Inuwar APC

An tattaro cewa Gwamna Eno ya toshe duk wata hanya da mambobin jam'iyyar za su bi su tatse baitul malin jihar, wanda hakan ya haddasa zazzafan takaddama tsakanin masu ruwa da tsaki na jam'iyyar da gwamnan.

Gwamna Eno, wanda ya yi jawabi ga jama'a a bikin cika shekaru 36 da kafa jihar, ya jaddada cewa a shirye yake ya yi mulki mai tasiri a wa'adinsa na farko maimakon gazawa a wa'adi biyu.

Kamar yadda Daily Trust ta rahoto, ya ce:

"Ni ajizi ne, amma na yi alkawari cewa ba zan jefa jihar nan cikin wani abu da za mu yi danasani ba da gangan. Za mu yi iya bakin kokarinmu."

Ya bayyana cewa gwamnatinsa ta mayar da hankali ne wajen saka hannun jari a ayyukan da za su kawo sauyi wanda zai yi tasiri ga tattalin arzikin jihar da mazauna cikinta sama da miliyan 7.9.

Kara karanta wannan

Innalillahi: Tashin Hankali Yayin da Wasu 'Yan Bindiga Suka Halaka Jami'an Tsaro A Kan Bakin Aiki

Gwamna Eno ya aika da muhimmin sako ga shugabannin jam’iyya da masu fada a ji

Gwamna Eno ya ce ba zai ba da kai bori ya hau ba saboda matsin lambar wasu yan tsirarun mutane don cutar da mutanen jihar Akwa Ibom.

Ya bayyana cewa tuni gwamnatinsa ta kulla yarjejeniya da shugabannin kananan hukumomi domin samun fili mai fadin hekta 50 a kowane yanki domin noma.

Matsin rayuwa: Sheikh Dahiru Bauchi ya bukaci malaman Musulunci da su daina la'antar shugabanni

A wani labari na daban, mun ji cewa babban malamin addinin Musulunci, Sheikh Ibrahim Dahiru Bauchi, ya yi kira ga malaman addini a kasar da su guji yin kalaman da ka iya haddasa rikici da barazana ga zaman lafiya a tsakanin Musulmai a kasar.

Ibrahim, wanda ya kasance babban dan jagoran Darika, Sheikh Dahiru Bauchi, ya bayyana hakan ne a ranar Asabar, 23 ga watan Satumba, yayin da yake jawabi ga taron manema labarai a Bauchi daga cikin shirye-shiryen da suke yi na bikin Maulidi.

Asali: Legit.ng