Hadimin Atiku Ya Ce Wike Ya Karbi Muƙamin Ministan FCT Ne Don Yi Wa Abokan Hamayyarsa Bita Da Kulli

• An bayyana ainihin dalilin da ya sanya Nyesom Wike karɓar muƙamin ministan a gwamnatin Tinubu
• Daniel Bwala, tsohon hadimin Atiku ya ce Wike ya karɓi muƙamin ne domin yi wa abokan hamayya bita da ƙulli
• Bwala ya zayyano ƙarin wasu dalilan da suka sanya Wike karɓar muƙami a gwamnatin APC

FCT, Abuja - Mai magana da yawun Atiku Abubakar a zaɓen da ya gabata Daniel Bwala, ya faɗi ainihin dalilin da ya sa aka naɗa Nyesom Wike ministan babban birnin tarayya (FCT) Abuja.

Bwala ya bayyana cewa Shugaba Bola Tinubu ya naɗa Wike ministan Abuja ne domin yi wa abokan hamayya bita da ƙulli.

Hadimin Atiku ya lissafo dalilan bai wa Wike ministan FCT

A yayin da ake zantawa da shi a gidan talabijin na Channels, Daniel Bwala ya lissafo dalilan da yake ganin sune suka sanya Wike ya zama ministan Tinubu.

Kara karanta wannan

Yanzu-Yanzu: Shugaba Tinubu Ya Tura Wa Kowace Jiha Biliyan 2 Maimakon Biliyan 5, Bayanai Sun Fito

Ya ce dalilin Wike na farko na karɓar muƙamin shi ne domin yi wa abokan hamayya bita da ƙulli.

Bwala ya ƙara da cewa ƙarin dalilin Wike kuma shi ne bijiro da hanyoyin razana 'yan adawa, gami da ƙirƙirar wani tsari da zai kai ga kawar da jam'iyyun adawa, ta yadda jam'iyya ɗaya ce kawai za ta ci gaba da mulki a Najeriya.

Bwala ya kuma ce duk wanda bai yadda da abubuwan da ya faɗa ba, ya sanya ido ya ga abinda zai faru cikin kwanaki masu zuwa.

Hadimin Atiku ya faɗi matakin da PDP za ta ɗauka kan Wike

A wani labarin na daban kuma, Legit.ng ta kawo rahoton bayanin da Daniel Bwala ya yi kan hukuncin da jam'iyyar PDP za ta yi wa Nyesom Wike ministan birnin tarayya.

Kara karanta wannan

Hadimin Atiku Ya Bukaci Wike Ya Rushe Fadar Shugaban Kasa, Barikin Soji Da Wasu Muhimman Wurare a Abuja

Bwala ya ce idan lokaci ya yi, jam'iyyar za ta kori Wike ne gaba ɗaya daga cikin 'ya'yanta ba bai wai ƙoƙarin ladabtar da shi ba ma.

Ya ƙara da cewa shirun da jam'iyyar ta PDP ta yi ba wai yana nufin ta gaza ba ne, za ta ɗauki mataki a lokacin da ya dace a kansa.

An lissafawa Wike wuraren da ya kamata ya rushe a Abuja

Legit.ng a baya ta yi rahoto kan wuraren da hadimin Atiku na yaƙin neman zaɓe Daniel Bwala ya lissafawa ministan FCT, Nysome Wike, waɗanda ya kamata ya rushe.

Daniel Bwala ya bukaci Nyesom Wike da ya rushe fadar shugaban ƙasa gami da barikokin soji da ke cikin birnin tarayya, domin ko a cewarsa ba sa cikin tsarin birnin.

Asali: Legit.ng