“Ka Kyale Wike Ya Koma APC”, DG Na Kungiyar APC Ga Fubara

• An bukaci gwamnan jihar Ribas, Siminalayi Fubara da ya kyale magabacinsa, Nyesom Wike ya sauya sheka zuwa jam'iyyar APC mai mulki
• Kungiyar ASAF na APC ce ta yi wannan kiran a ranar Laraba, 21 ga watan Yuni, sannan ta bukaci Fubara da ya mayar da hankali kan nasarar gwamnatinsa
• Kungiyar na martani ne ga rokon Wike da Fabura ya yi, inda ya bukace shi da kada ya guje masa koda ya koma daya bangaren a siyasa

Abuja - Kungiyar yan majalisar jiha na APC ta bukaci gwamnan jihar Ribas, Sim Fubara da ya kyale tsohon gwamnan jihar, Nyesom Wike ya tafi zuwa inda yake muradi a bangaren siyasarsa.

Hakan ya biyo bayan rade-radin da ake yi cewa watakila Wike ya gama tsare-tsare domin sauya sheka daga jam'iyyar People’s Democratic Party (PDP) zuwa jam'iyyar All Progressives Congress (APC).

Kara karanta wannan

Jigon PDP Bode George Zai Koma Wajen Tinubu a APC? Gaskiya Ta Bayyana

A cewar kungiyar, ya kamata Gwamna Fubara ya kyale Wike ya yanke shawara game da mataki na gaba da yake son dauka a siyasarsa sannan ya mayar da hankali kan gudanar da mulkin jihar mai arzikin man fetur.

APC a shirye take ta tarbi Wike, inji kungiyar

A wata sanarwa da ya saki a ranar Talata, 20 ga watan Yuni, a Abuja, Darakta Janar na kungiyar ASAF, Ambasada Fubara Dagogo, ya bayyana cewa a shirye APC take ta tarbi Wike a cikinta sannan ta kwankwadi tarin saninsa a siyasa da shugabanci, rahoton Vanguard.

Wike dai ya juyawa dan takarar shugaban kasa na jam'iyyarsa, Atiku Abubakar baya a lokacin zaben 2023 sannan ya marawa Asiwaju Bola Tinubu na APC baya kuma shine ya lashe zaben.

Bayan rantsar da Tinubu a matsayin shugaban kasar Najeriya, an sha ganin Wike a fadar shugaban kasa tare da wasu mambobin APC lamarin da ya kara rura wutar rade-radin cewa yana shirin sauya sheka.

Kara karanta wannan

An Ba Abba Gida-Gida Wa’adin Awanni 72 Ya Dakatar Da Rushe-Rushe a Kano, Cikakken Bayani

Kan haka ne, gwamnan na jihar Ribas mai ci ya bukaci magabacin nasa da kada ya guje masa koda ya ketara zuwa daya bangaren a siyasa, rahoton Channels TV.

Yan Najeriya za su yi kukan dadi cikin watanni 6 masu zuwa, malamin addini

A wani labari na daban, Prophet Jeremiah Omoto Fufeyin na cocin Christ Mercyland Deliverance Ministry ya yi hasashen cewa yan Najeriya su tsammaci tarin ci gaba a watanni shida masu zuwa na gwamnatin shugaban kasa Bola Tinubu.

Malamin ya yi tinkaho cewa duk faston da kalamansa basu faru ba bai kamata a dunga daukarsa a matsayin babban fasto ba, yana mai cewa ya yi hasashen nasarar jam'iyyar APC a zaben shugaban kasa na ranar 25 ga watan Fabrairu.

Asali: Legit.ng