Sokoto da Kano: Yadda Zaben Cike Gurbi Ke Gudana a Jihar Kano da Sokoto a Arewa
A yau Asabar 15 ga watan Afrilu ne Hukumar Zabe Mai Zaman Kanta, INEC, za ta gudanar da zaben cike gurbi na mazabar Doguwa/Tudun Wada a jihar Kano.
Manyan yan takarar da za su fafata a zaben sune shugaban masu rinjaye na Majalisar Wakilai na Tarayya, Hon. Alhassan Ado Doguwa na jam'iyyar APC da dan takarar jam'iyyar NNPP, Air Commodore Salisu Yushau (mai ritaya).
Za a gudanar da zaben ne a rumfuna guda 13 inda kimanin mutane 7000 sun riga sun karbi katin zabensu. A zaben da aka gudanar a baya, Doguwa ne ke kan gaba da kuri'u 4,9000.
Domin tabbatar da tsaro yayin zaben, rundunar yan sandan jihar ta tanadi jami'ai fiye da 3000 don sa ido kan zaben.
An kuma gargadi jam'iyyun siyasa su guji amfani da yan daban siyasa da tada rikici.
Dukkan bangarorin biyu sun nuna kwarin gwiwar cewa sune za su yi nasara a zaben, sai dai yau hukumar zabe za ta raba gardama.
Cikon zabukan sanata da na 'yan majalisun tarayya a Sokoto
A bangare guda, za a gudanar da zabukan cik gurbin a jihar Sokoto da ke Arewa maso Yamma, inda hakan ya shafi mazabun sanata 3 da kuma kujerun majalisa 11.
Jihar Sokoto ce ke da mafi yawan adadin kujerun majalisan da za a sake zaben na wannan ranar ta 15 ga watan Afrilu.
A kasance da mu.
Sakamakon zabe a Kano ya fara fitowa
Rahotanni daga jihar Kano na nuni da cewa, sakamakon cikon zaben da aka yi ya fara fitowa daga rumfuna da yawa a jihar.
Ana rabon atamfa, buhun taki da N5,000 ga masu zabe a Kano
Wata jam'iyya na bada buhun taki, atamfa da N5,000 ga duk wanda zai kada mata kuri.
Lamarin na faruwa ne a akwatin zabe mai lamba 008 a gundumar Burum-Burum a karamar hukumar Tudun Wada a Kano.
Lamarin ya faru misalin karfe 1.46 na ranar yau Asabar.
An ba wa hammata iska tsakanin masu zabe da wakilan jami'iyya
An yi dambe tsakanin masu kada kuri'a da wakilan jam'iyya na akwatin zabe mai lamba 024 a gundumar Badon uku uku a karamar hukumar Wamakko ta Sokoto misalin karfe 2.15 na rana.
Hakazalika, an lura da cewa ana siyan kuri'u.
'Yan daba sun farmaki rumfar zabe a Kurna Gabas, sun watsa masu kada kuri'a
An fara zabe a wata rumfa a gundumar Alasawa Kwaciri a yankin Kurna Gabas a karamar hukumar Fagge ta jihar Kano.
Sai dai, an samu tsaiko a lokacin da wasu 'yan daba suka farmaki rumfar zaben tare da watsa masu kada kuri'u.
An ga jama'a maza da mata na gudun tsira, inda 'yan daban ke jifansu da duwatsu.
Daga baya, jami'an 'yan sanda sun kawo dauki, inda suka bi 'yan daban da gudu tare da koransu a harabar rumfar zaben.
Ana zabe cikin lumana a Fagge
A halin da ake ciki, ana ci gaba da kada kuri'u a Fagge A da B a mazabar tarayya ta Fagge a jihar Kano.
Ana zabe lami lafiya a a Kuzarawa
Masu kada kuri'a na cigaba da yin zabe cikin lumana a akwatin zabe mai lamba (006) a Kuzarawa a karamar hukumar Gaya ta Kano.
Jami'an tsaro guda uku suna wurin don tabbatar da doka da oda.
An fara zabe a karamar hukumar Gaya
An fara kada kuri'a a gundumar Kazurawa a akwatin zabe mai lamba 006 da ke karamar hukumar Gaya na jihar Kano, misalin karfe 9.54 na safe.
Jami'an tsaro sun hallara.
Aminu Ibrahim (Hausa HOD) Aminu Ibrahim leads the Hausa Desk at Legit.ng. He holds a Bachelor's degree in Microbiology from Ahmadu Bello University, Zaria, and pursued further with a Master's degree in Environmental Microbiology from Federal University Dutse, Jigawa. With over seven years of experience, Aminu has honed his craft in news reporting and content editing, weaving narratives that captivate and inspire audiences: aminu.ibrahim@corp.legit.ng or +2348030996164
Salisu Ibrahim (Head of Hausa Desk) Salisu holds BSc in IT (IOU, 2021) and is AfricaCheck's ambassador. He brings over five years of experience in writing, publishing and management. Trained by prestigious newspapers like Reuters, AFP, and Solutions Journalism Network, he curates news stories for the Hausa-speaking audience. He rose from Hausa Editor to Head of Desk at Legit. His commitment to excellence has earned him recognition, including the 2021 Best Hausa Editor award and the Legit Fearless Team Player of the Year 2023.
