Shugabancin Kasa A 2023: IBB Ya Goyi Bayan Atiku? Dino Melaye Ya Aike Da Sako Ga Tsohon Shugaban Mulkin Soja
- Tsohon dan majalisar tarayya na Kogi, Dino Melaye, yana ikirarin cewa tsohon shugaban kasa na mulkin soja Ibrahim Badamasi Babangida yana goyon bayan Atiku Abubakar
- Melaye ya bayyana godiyarsa ta tsohon shugaban mulkin sojan kuma ya bayyana labarin a shafin Facebook a ranar Juma'a, 27 ga watan Janairu
- Tsohon sanatan ya ce Babangida ya bayyana matsayarsa kan ga kwamitin kamfen din Atikun ne ta hannun Mohammed Babangida a ranar Laraba, 25 ga watan Janairu
Jihar Delta - A cewar Dino Melaye, tsohon sanata daga jihar Kogi wanda ya wakilici Kogi ta Yamma, Ibrahim Badamasi Babangida ya goyi bayan takarar shugaban kasa na Atiku Abubakar a zaben da ke tafe.
Ta shafinsa na Facebook a ranar Juma'a, 27 ga watan Janairu, Melaye, mai magana da yawun kwamitin kamfen din shugaban kasa na jam'iyyar Peoples Democratic Party, PDP, ya ce an tabbatar da hakan a Jihar Delta ranar Laraba, 25 ga watan Janairu, yayin kaddamar da wani aiki da Atiku ya yi.
![](https://cdn.legit.ng/images/360x203/fa6fed2b6b29ef67.jpeg?v=1)
Kara karanta wannan
Da Duminsa: 'Dan Takarar Gwamna a Fitacciyar Jihar Arewa Ya Kwanta Dama Bayan Fama da Rashin Lafiya
![Atiku da IBB Atiku da IBB](https://cdn.legit.ng/images/1120/fe12c8f4d23b0caf.jpeg?v=1)
Asali: Twitter
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Melaye ya yi ikirarin cewa Babangida ya sanar da matsayinsa ta bakin dansa ne, Mohammed.
Wallafar na Melaye ta ce:
"Muna son mu gode wa iyalan tsohon shugaban kasa na mulkin soja Ibrahim Badamasi Babangida saboda goyon bayan Atiku a matsayin shugaban kasar Najeriya.
"Mohammed Babangida ne ya bayyana hakan a Jihar Delta a ranar Laraba yayin kaddamar da filin fina-finai da shakatawa na Maryam Babangida. Sanata Dino Melaye."
Asali: Legit.ng