Buhari Ya Kaddamar da Kwamitin Yakin Neman Zaben Shugaban Kasa Na Jam’iyyar APC

• Shugaban kasa Muhammadu Buhari ya kaddamar kwamitin gangamin tallata Bola Ahmad Tinubu
• A yau ne ake bikin baje kolin manufofin da Tinubu ke cimmawa idan ya samu nasarar gaje Buhari a zaben 2023
• Ana ci gaba da shirye-shiryen babban zaben 2023, lamarin da 'yan Najeriya da dama suka kagu da gani

FCT, Abuja - Shugaban kasa Muhammadu Buhari na Najeriya na jagorantar taron kaddamar kwamitin yakin neman zaben shugaban kasa na jam'iyyar a gidan gwamnati dake Abuja.

Jaridar Punch ta ce ta samo cewa, an tsaurara tsaro a zagayen dakin taron, baki na shan fama wajen shiga cikinsa, ciki har da gwamnoni da manyan baki.

An ga dandazon jama'a a bakin Banquet Hall na gidan gwamnati, ga kuma tulin jami'an tsaron farin kaya (DSS) dake kai komo a kewayen wurin, inji rahoton Vanguard.

Kara karanta wannan

Da Duminsa: Buhari Ya Sha Alwashin Yi wa Tinubu Gagarumin Kamfen

A nasa jawabin, shugaban jam'iyyar APC na kasa, Abdullahi Adamu ya bayyana cewa, da irin shirin da jam'iyyar ta yi, tabbas za ta lallasa kowace jam'iyyar adawa a zabe mai zuwa badi.

Baya ga kaddamar da kwamitin kamfen na Tinubu, Buhari zai kuma kaddamar da manufofin da wanda yake so ya gaje shi duk dai a taron.

Taron na kaddamar manufofin Tinubu ya samu halartar manyan jiga-jigan jam'iyyar APC daga bangarori daban-daban na Najeriya.

Jam’iyyar PDP Za Ta Gudanar da Taron Gangamin Kamfen Na Takarar Shugaban Kasa a Jihar Edo Ranar Asabar

A wani labarin kuma na daban, kinji cewa, tawagar kamfen din tallata dan takarar shugaban kasan PDP za ta karkata zuwa jihar Edo a ranar Asabar 22 ga watan Oktoba domin gudanar da gangamin lasawa 'yan Najeriya alkawuran Atiku.

Kara karanta wannan

Bidiyo: Bayan shafe kwanaki a Faransa, dan takarar PDP Atiku ya dawo Najeriya

Rahoton da muka samo daga jaridar Punch ya bayyana cewa, ana sa ran duk wasu jiga-jigan PDP za su hallara a filin taro da misalin karfe 10 na safiyar ranar.

Hakazalika, rahoton ya ce, dukkan gwamnonin da aka zaba a karkashin inuwar PDP za su hallara a wannan taro mai girma. Wannan batu dai na fitowa ne daga bakin babban daraktan gangamin kamfen din Atiku, gwamna Aminu Tambuwal, kamar yadda jaridar tace ta samo a jiya Alhamis.

Asali: Legit.ng