Saboda Barin Baya Mai Kyau, Na Yi Ayyuka Masu Tasiri Barkatai

• Shugaba Buhari na Najeriya ya bayyana kadan daga ayyukan da gwamnatinsa ta yi kuma masu tasiri cikin kankanin lokaci
• Shugaban ya kuma yaba da cewa, aikin da gwamnatinsa ta yi zai zama tarihin da za a ke tunawa a Najeriya
• Nan da watanni kasa da shida shugaban kasa Muhammadu Buhari zai bar mulki, bayan zaben 2023 da za a yi

FCT, Abuja - Shugaban kasa Muhammadu Buhari ya yaba da irin ayyukan da gwamnatinsa ta yi masu tasiri a bangarori daban-daban na kasar nan, jaridar TheCable ta ruwaito.

Shugaban ya bayyana hakan ne a lokacin da yake magana a taron waiwaye ga ayyukan ministocinsa da aka shirya don duba makomar ajandoji tara na gwamnatinsa.

Da yake magana a taron a ranar Litinin, Buhari ya bayyana kadan daga nasarorin da gwamnatinsa ta samu a fannin ayyukan more rayuwa, noma, tattalin arziki da lafiya.

Kara karanta wannan

Abinda Yasa Nake Da Gwarin Guiwar Cewa Ni Zan Lashe Zaben Shugaban Kasa a 2023, Tinubu Ya Magantu

Kadan daga ayyukan da Buhari ya yi

Ya kuma bayyana cewa, gwamnatinsa ta samu nasarar gina hanyoyin da nisansu ya kai kilomita 3,800 a fadin kasar nan.

Buhari ya ce, gwamnatinsa ta samar da sabbin jiragen sama ga sojin sama don samun sauki wajen kawo karshen rashin tsaro.

A bangare guda, ya ce gwamnatinsa ta yi nasarar kammala aikin layin dogon Itakpe-Ajaokuta-Warri, kamar yadda jaridar People Gazette ta ruwaito.

Hakazalika, ya ce wadannan ayyuka sun samu ne ta hanyar tallafi daga NNPC da kamfanin Dangote da ma wasu cibiyoyi a kasar nan.

Idan baku manta ba, kasa da shekara guda ne ya saura wa shugaba Buhari ya sauka daga mulki, a karshen wa'adinsa na biyu.

Tinubu Ya Gaji, Kamata Yayi Ya Koma Gida Ya Yi Hutawarsa, Inji Na Hannun Daman Atiku

A wani labarin, jigon jam'iyyar PDP Phrank Shaibu ya caccaki dan takarar shugaban kasa na jam'iyyar APC, Bola Ahmed Tinubu.

Kara karanta wannan

"Ita Ta Nemeni Da Soyayya": Dan Jarida Makaho Yayi Tsokaci Kan Aure da rayuwarsa

A wata sanarwa da ya aikewa Legit.ng a jiya Lahadi 16 ga watan Oktoba, Shaibu ya bayyana cewa, duba da lafiyar Tinubu, bai cancanci ya gaji shugaban kasa Buhari ba.

Ya kuma bayyana cewa, Tinubu ya sha kwabsawa a maganganunsa tun bayan da ayyana aniyarsa ta zama shugaban kasa, wanda hakan ke nuna a rude yake gaba daya.

Asali: Legit.ng