KAI TSAYE: Dan takarar APGA, Charles Soludo ya tabbata zababben gwamnan Anambra

10 Nuw 2021 da ƙarfe 5:00 Safiya daga Aisha Khalid, Salisu Ibrahim and Ahmad Yusuf

Dan takarar APGA, Charles Soludo ya tabbata zababben gwamnan Anambra

Hukumar zabe mai zaman kanta ta kasa, INEC, ta bayyana Farfesa Chukwuma Soludo a matsayin zababben gwamnan jihar Anambra.

Farfesa Florence Obi, baturiyar zaben jihar, ta bayyana hakan wurin karfe 1;50am na safiyar Laraba, Daily Trust ta wallafa.

9 Nuw 2021 da ƙarfe 9:37 Yamma daga Aisha Khalid, Salisu Ibrahim and Ahmad Yusuf

An cigaba da tattara sakamako a Awka

Da misalin ƙarfe 9:25 na dare, baturen zaɓen gwamnan Anambra, Florence Obi, ta zauna tare da sauran jami'an hukumar INEC, yayin da ake dakon isowar sakamakon Ihiala.

Ana tsammanin an gudanar da zaɓe a runfunan zaɓe 326 dake faɗin ƙaramar hukumar Ihiala a yau Talata.

Waɗan nan rumfunan zabe ne zasu tantance wanda zai jagoranci jihar Anambra a shekaru hudu masu zuwa.

9 Nuw 2021 da ƙarfe 6:21 Yamma daga Aisha Khalid, Salisu Ibrahim and Ahmad Yusuf

Za a ci gaba da tattara sakamakon zabe da misalin karfe 9 na dare

Nkwachukwu Orji, kwamishinan zabe na INEC a jihar, ya sanar da manema labarai cewa, za a ci gaba da tattara sakamakon zaben gwamnan jihar Anambra da misalin karfe tara na dare.

Wurin dai shi ne cibiyar tattara sakamakon zabe na Jiha wato ofishin INEC na jihar, daura da titin majalisar dokoki, Awka.

9 Nuw 2021 da ƙarfe 5:33 Yamma daga Aisha Khalid, Salisu Ibrahim and Ahmad Yusuf

Sakamakon gundumar Uli 1

Runfar zaɓe ta 004

APGA -13

APC - 4

PDP - 19

LP - 1

Runfar zaɓe: 014

APGA -20

PDP -19.

YPP -1

APC - 2