Galadima: Aminu Ado na Karbar Ta’aziyya a Fadarsa, Sarakuna, ’Yan Siyasa na Tururuwa

• Aminu Ado Bayero na ci gaba da karbar ta’aziyya bayan rasuwar Galadiman Kano, Alhaji Abbas Sanusi Bayero
• Basaraken ya karbi wakilan Sarkin Hadejia, Dr. Adamu Abubakar Maje, da sauran manyan baki a fadarsa
• Alhaji Tanko Yakasai, daya daga cikin dattawan Kano, ya kai ta’aziyya ga Sarkin Kano a yau Alhamis
• Wadannan ziyara an yi su ne domin jajanta wa Sarkin Kano kan babban rashi da aka yi a Kano da Arewa

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Kano - Sarkin Kano na 15, Aminu Ado Bayero na ci gaba da karbar ta'aziyya bayan rasuwar Galadiman Kano.

Basaraken ya karbi bakuncin sarakuna da manyan dattawa da 'yan siyasa daban-daban a yau Alhamis 3 ga watan Afrilun 2025.

Galadiman Kano: Aminu Ado ya soke bukukuwan sallah

Wannan na daga cikin wata sanarwa da shafin Masarautar Kano ta wallafa a manhajar X a yau Alhamis.

Kara karanta wannan

Ana zaman makokin Galadiman Kano, mummunar gobara ta tashi a 'Gidan Ado Bayero'

Hakan ya biyo bayan matakin Sarkin Kano na 15, Aminu Ado Bayero na soke duk wasu shirye-shiryen bukukuwan sallah da aka tsara sakamakon rasuwar Galadiman Kano.

Sanarwar da fadarsa ta fitar ta bayyana cewa bukukuwan sallah da za a yi a gidan Nasarawa an soke su saboda wannan babban rashin da aka yi.

Yayin sanarwar, Sarkin Kano ya bayyana alhini, yana cewa Galadiman Kano dattijo ne mai jajircewa da ya ba da gudunmawa ga Kano da Najeriya.

Sarki Aminu Ado Bayero ya yi addu’a Allah ya gafarta wa mamacin, ya sa ya huta, tare da yi wa iyalansa da al’ummar Kano fatan hakuri da juriya.

Sarkin Hadejia ya ziyarci Aminu Ado Bayero

A cikin sanarwar, an gano wakilan Sarkin Hadejia, Dr. Alhaji Adamu Abubakar Maje domin yi masa ta'aziyya kan babban rashin da aka yi.

Sanarwar ta ce:

"Mai Martaba Sarkin Kano Alh. Aminu Ado Bayaro CFR CNOL JP ya na ci gaba da karbar ta’aziya, Mai Martaba Sarki ya karbi wakilan Mai Martaba Sarkin Hadejia Dr. Alh. Adamu Abubakar Maje CON bisa Wakilcin Galadiman Hadejia.

Kara karanta wannan

Bikin Sallah: Matakin da Aminu Ado ya ɗauka bayan rasuwar Galadiman Kano

"Allah ya ba da lada."

Aminu Ado na karbar gaisuwar Galadiman Kano

Har ila yau, Aminu Ado Bayero ya karbi bakuncin daya daga cikin dattawan Arewacin Najeriya kuma tsohon dan siyasa, Alhaji Tanko Yakasai.

A cewar sanarwar:

"Daga Fadar Mai Martaba Sarkin Kano Alh. Aminu Ado Bayaro CFR CNOL JP ya na ci gaba da karbar ta'aziyyar marigayi Mai Girma Galadiman Kano, Alh. Abbas Sanusi Bayero.

"Daya daga cikin dattawan Kano, Dattijo Alh. Tanko Yakasai ya kai ziyarar ta'aziyya fadar a yau Alhamis 3 ga watan Afrilun 2025."

Dukan wadannan ziyara an yi su ne a yau Alhamis 3 ga watan Afrilun 2025 domin jajantawa basaraken kan rashin Galadiman Kano, Alhaji Abbas Sanusi.

Tinubu ya yi ta'aziyyar Galadiman Kano

Kun ji cewa Shugaban kasa, Bola Ahmed Tinubu ya mika sakon ta'aziyyarsa bisa rasuwar Galadiman Kano, Alhaji Abbas Sanusi.

Shugaba Tinubu ya bayyana marigayin da dattijo, wanda ya ba da gagarumar gudummawa a masarautar Kano da Najeriya baki ɗaya.

Marigayin, wanda ya rasu yana da shekaru 92 a duniya, shi ne mahaifin shugaban APC na jihar Kano, Abdullahi Abbas.

Wanda ya tantance Muhammad Malumfashi, babban edita a Legit.ng.

Asali: Legit.ng