Rai Baƙon Duniya: Musulunci Ya Yi Rashi bayan Sanar da Rasuwar Malami a Watan Azumi

• Gwamna AbdulRazaq ya nuna alhinin rasuwar Muhammad Jamaalu Deen Yahyah Murtadoh Agodi, wanda ya rasu safiyar Asabar, 29 ga Maris, 2025
• Marigayi Sheikh Jamaalu Deen na cikin zuriyar Sheikh Yahyah Agodi, kuma ya shugabanci Markaz Taaleemil-arobiyyah wal Islamiyyah, Agodi
• Gwamnan Kwara ya aike da ta’aziyya ga iyalansa, dangin Markaz da daukacin al’ummar Musulmi na masarautar Ilorin kan wannan babban rashi
• An tunatar da mutane cewa rayuwa mai wucewa ce, kuma wajibi ne a dage wajen bautar Allah, yana mai addu’a ga marigayin domin samun rahama

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Ilorin, Kwara - Gwamnan Jihar Kwara, AbdulRahman AbdulRazaq ya yi ta'aziyyar rasuwar fitaccen malamin addinin Musulunci.

Gwamnan ya nuna alhini kan rasuwar fitaccen malamin, Sheikh Muhammad Jamaalu Deen Yahyah Murtadoh Agodi.

An cafke malami kan zargin kisan daliba

Kara karanta wannan

Gwamna Abba ya kaɗu bayan rashin fitaccen jarumi da masana'antar Kannywood ta yi

Wannan na kunshe ne a cikin wata sanarwa da shafin Gwamnatin jihar Kwara ya wallafa a manhajar Facebook.

Wannan na zuwa ne bayan cafke wani malamin Musulunci a Kwara kan zargin hadin baki da kisan wata dalibar Kwalejin ilimi.

Bayan zargin da ake yi masa, kotun majistire ta umarci a tsare Abdulrahmam Mohammed, wanda ya kira kansa da malamin addinin Musulunci a gidan gyaran hali.

Ana zarginsa tare da wasu mutum huɗu da haɗa baki wajen kashe ɗalibar ajin karshe a kwalejin ilimi ta jihar Kwara mai suna, Hafsah Lawal.

Alkalin kotun ya umarci a garƙame waɗanda ake ƙara bayan sun amsa laifinsu kana ya ɗage ƙarar zuwa ranar 6 ga watan Maris, 2025.

Fitaccen malamin Musulunci ya kwanta dama

Sanarwar da sakataren yada labaran gwamna, Rafiu Ajakaye ya sanyawa hannu ya ce malamin ya rasu a safiyar Asabar, 29 ga Maris, 2025.

Marigayi Sheikh Jamaalu Deen, wanda ya kware a wa’azi da tarihin addini, yana cikin zuriyar babban malami Sheikh Yahyah Agodi.

Kara karanta wannan

Sallah: Sarkin Musulmi ya bukaci a fara duba watan Shawwal a Najeriya

Malamin ya shugabanci makarantar Markaz Taaleemil-arobiyyah wal Islamiyyah da ke Agodi a birnin Ilorin.

Gwamna AbdulRazaq ya aike da ta’aziyyarsa ga iyalan marigayin, iyalan Markaz, da daukacin al’ummar Musulmi na masarautar Ilorin bisa wannan babban rashi.

Sanarwar ta ce:

"Rasuwar wannan fitaccen malami, kwanaki kadan bayan ya jagoranci sallar tahajjud da aka gudanar a cikin wannan wata mai albarka ta Ramadan abin takaici ne.

“Mun roki Allah ya gafarta wa Sheikh Muhammad Jamaalu Deen Agodi, ya haskaka kabarinsa, ya yalwata masa, kuma ya sanya shi cikin Aljannah Firdausi.”

Shugaban majalisar malamai ya rasu a Yobe

Mun ba ku labarin cewa rahotanni sun tabbatar da rasuwar shugaban Majalisar Malamai na ƙungiyar JIBWIS watau Izala reshen jihar Yobe, Imam Muhammad Khuludu Geidam.

Kungiyar Izala ta bayyana cewa malamin ya riga mu gidan gaskiya a ranar Laraba, 26 ga watan Ramadan, 1446AH daidai da 26 ga watan Maris din shekarar 2025 da muke ciki.

An ce malamin ya ba da gudummuwa sosai ga al'umma ta fuskar wa'azi da ilimantar da jama'a hanyar rayuwa mai inganci bisa koyarwar addinin Musulunci.

Wanda ya tantance Muhammad Malumfashi, babban edita a Legit.ng.

Asali: Legit.ng