'Yan Bindiga Sun Zo da Sabon Salon Ta'addanci Wajen Sace Mutane a Neja
- Wasu miyagun ƴan bindiga sun ɓadda kama wajen sace mutanen da ba su san hawa ba, ba su san sauka ba a jihar Neja da ke Arewacin Najeriya
- Ƴan bindigan sun yi basaja cikin kayan hukumar yaƙi da cin hanci da rashawa da ta'annati da dukiyar ƙasa (EFCC) sannan suka sace mutane 10
- Tsagerun ƴan bindigan sun sace mutanen ne a wani otel da ƙaramar hukumar Chanchaga ta jihar Neja bayan sun lalata na'urorin CCTV
- Jami'an ƴan sanda waɗanda suka tabbatar da aukuwar lamarin, sun bayyana cewa an fara gudanar da bincike kan lamarin
CHECK OUT: Education is Your Right! Don’t Let Social Norms Hold You Back. Learn Online with LEGIT. Enroll Now!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Neja - Wasu yan bindiga da ba a san ko su waye su ba, sun yi basaja cikin kayan aikin hukumar yaƙi da masu aikata cin hanci da rashawa da ta'annati da dukiyar ƙasa (EFCC) sun sace mutane a jihar Neja.
Ƴan bindigan sun sace mutane 10 daga Otel ɗin White Hill da ke kan titin Shiroro, a ƙaramar hukumar Chanchaga ta jihar Neja.
Asali: Twitter
Masani kan harkokin tsaro a yankin Tafkin Chadi da Arewacin Najeriya, Zagazola Makama, ne ya bayyana hakan a shafinsa na X.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ƴan bindiga sun ɓadda sawu a Neja
Wasu majiyoyi sun bayyana cewa wannan lamarin ya faru ne kusan da ƙarfe 4:58 na safiyar ranar Alhamis, 27 ga watan Fabrairun 2025.
Ƴan bindigan sun shiga otel ɗin ne sannan suka yi iƙirarin su jami'an hukumar EFCC ne da suka zo yin wani aiki a hukumance.
An gano cewa waɗanda ake zargin sun lalata na'urar ɗaukar hoton bidiyo ta CCTV ta otel ɗin kafin su shiga ɗakunan da baƙi ke ciki ɗaya bayan ɗaya.
Sun yi awon gaba da mutane 10 daga cikin otel ɗin zuwa wani wuri da ba a san ko ina ne ba.
Ƴan sanda sun fara gudaɓar da bincike
Mataimakin kwamishinan ƴan sanda a sashen leken asiri na jihar (Acpol SID), ya tabbatar da cewa ana ci gaba da gudanar da bincike don gano waɗanda suka aikata wannan laifi da kuma kuɓutar da mutanen da aka sace.
An yi kira ga al'umma da su kasance a ankare da kuma lura da duk wani motsi ko al'amura da ba su dace ba, tare da tabbatar da cewa ana ƙoƙarin ƙara ƙarfafa binciken domin gano abubuwan da ke ɓoye dangane da wannan harin.
Ƴan bindiga sun kai hari a Neja
A wani labarin kuma, kun ji cewa wasu miyagun ƴan bindiga ɗauke da muggan makamai sun kai wani harin ta'addanci a jihar Neja.
Ƴan bindigan sun kai harin ne a yankin Bassa na ƙaramar hukumar Kagara inda suka riƙa bin mutanen har cikin gidajensu suna yin harbe-harbe.
A yayin harin da ƴan bindigan suka kai a cikin tsakar dare, an samu asarar rayukan mutum tara waɗanda ba su san hawa ba, ba su san sauka ba.
Asali: Legit.ng
