Duk da Rasa Kujerarsa, Tsohon Minista a Kano Ya Koda Tinubu, Ya Yabi Yan Najeriya

• Tsohon Ministan Gidaje, Dr. Abdullahi Tijjani Gwarzo, ya yaba wa Bola Tinubu kan jagoranci da gyare-gyare don ci gaban Najeriya
• Gwarzo ya jinjina wa 'yan Najeriya bisa jajircewa wajen tallafa wa hangen nesa na Shugaba Tinubu
• A sakon sabuwar shekara, Gwarzo ya ce yana sa ran ci gaba da samun zaman lafiya da wadata a shekarar 2025

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Tsohon Ministan gidaje da raya birane, Dr. Abdullahi Tijjani Gwarzo, ya yaba wa salon mulkin Shugaba Bola Tinubu.

T. Gwarzo ya yaba wa shugaban ne kan jajircewarsa wajen sake gina Najeriya ta kowane bangare.

Tsohon Minista ya yabawa mulkin Tinubu

Hakan na kunshe ne a sakon sabuwar shekara, wanda ya wallafa a wata sanarwa da ya sanya wa hannu, cewar Leadership.

Kara karanta wannan

"Za a ji dadi," Majalisa ta fadi yadda amincewa da kudirin haraji zai canja Najeriya

Gwarzo ya kuma yaba wa 'yan Najeriya kan sadaukarwa da goyon baya ga manufofin shugaban.

"Na mika gaisuwar sabuwar shekara ga mai girma shugaban kasa Bola Ahmed Tinubu GCFR."

"A yayin shiga sabuwar shekara, ni, Abdullahi Tijjani Gwarzo FTRAN, tsohon Ministan gidaje da raya birane na mika gaisuwata ga Shugaban Kasa."

"A cikin wannan sabuwar shekara, ina jinjina wa shugaban bisa jagorancin da ya yi tare da daukar matakan da suka dace wajen farfado da Najeriya ta kowane fanni."

"Daga sauye-sauyen tattalin arziki zuwa matakan magance matsalolin tsaro, na yi matukar gamsuwa da karfin hali da jajircewar da ya jagoranci kasarmu mai girma."

- Abdullahi Gwarzo

Tsohon Ministan ya yi wa Tinubu fatan alheri

Gwarzo ya kuma bayyana kwarin gwiwa cewa jajircewar shugaba Tinubu zai kawo mafita ga matsalolin kasar, musamman a fannin tsaro da farfado da tattalin arziki.

"Ina fatan ganin Najeriya ta cigaba a shekarar 2025, yayin da muke hada kai wajen gina kasa mai albarka."

Kara karanta wannan

PDP, Obi sun ba Tinubu lakanin samo waraka daga matsalolin Najeriya

"Ina yi wa shugaban Tinubu fatan karin karfi, hikima, da lafiya a sabuwar shekara."

- Cewar tsohon Ministan

Gwarzo: Tsohon Minista ya magantu bayan tsige shi

Kun ji cewa tsohon Minista, Abdullahi T. Gwarzo ya bayyana cewa Bola Tinubu ya sauke shi daga muƙamin minista ne saboda ya naɗa ɗan Kano ta Tsakiya.

Gwarzo ya ce Nasiru Gawuna ya kamata a fara yi wa tayin kujerar kafin a ɗauko wani inda ya ce ba shi da wata matsala da wanda aka ba mukamin.

Muhammad Malumfashi, babban edita a sashen Hausa na Legit ya duba labarin.

Asali: Legit.ng