Dubu ta Cika: Sojoji Sun Kashe Hatsabibin Shugaban Ƴan Bindiga da Yaransa a Katsina
- Sojojin Najeriya sun kashe Alhaji Ma’oli, wani hatsabibin shugaban 'yan ta’adda da ya addabi garuruwan Katsina da kewaye
- Mazauna yankin sun godewa dakarun sojin saboda kokarin da suke yi wajen kawo zaman lafiya da tabbatar da tsaro a yankinsu
- A Zamfara kuwa, dakarun sojin sun kashe Kachalla Muchelli, shugaban sansanin 'yan bindiga na Kuchi Kalgo a wani farmaki
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Katsina - Sojojin Operation Fansan Yamma sun ci gaba da kai farmaki kan 'yan ta’adda a Arewa maso Yamma, suka kashe da dama a Katsina da Zamfara.
A jihar Katsina, dakarun sun kai farmaki a kauyen Mai Sheka, garin Kunchin Kalgo, inda suka kashe wasu 'yan ta’adda ciki har da Alhaji Ma’oli.
Asali: Twitter
Zagola Makama, wani babban mai sharhi kan harkokin tsaron Najeriya ne ya fitar da wannan rahoton a shafinsa na X a ranar 26 ga Disambar 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An kashe shugaban 'yan bindiga a Katsina
Rahoton ya nuna cewa Alhaji Ma’oli yana da hannu wajen karbar haraji da aikata laifuffuka a Unguwan Rogo, Mai Sheka, Magazawa da sauran wurare.
Wannan farmakin ya tarwatsa kungiyar 'yan ta’addan Alhaji Ma'oli, inda ya kawo sauki ga mazauna yankin da suka dade suna shan azaba a hannunsa.
Mazauna yankin Bilbis sun nuna godiya ga jami’an tsaro bisa kokarin da suke yi wajen maido da zaman lafiya a yankunansu.
Zamfara: Sojoji sun kashe Kachalla Muchelli
A Zamfara kuwa, dakarun Counter Terrorism Team 7 (CT 7) sun yi musayar wuta da 'yan bindiga a kan hanyar Bilbis-Danjigba ranar 25 ga Disamba.
A wannan gumurzu, Kachalla Muchelli, shugaban sansanin 'yan ta’adda na Kuchi Kalgo, ya gamu da ajalinsa.
Majiyoyin soji sun tabbatar da cewa waɗannan hare-haren suna cikin kokarin kawar da 'yan ta’adda da 'yan bindiga a yankin.
Sojoji sun kashe shugaban 'yan bindiga "Al'jan"
Kara karanta wannan
Karshen alewa: Sojoji sun kashe hatsabibin dan bindiga da ya addabi jihar Zamfara
A wani labarin, mun ruwaito cewa sojojin Najeriya sun kashe hatsabibin shugaban 'yan bindiga, 'Al'jan' da ya addabi garuruwan jihar Zamfara da kewaye.
"Al'jan" wanda ba a san ainahin sunansa ba, an ce ya gamu da ajalinsa a wani harin kwanton bauna da sojoji suka kai masa da yaransa a tsakanin Mada da Yandoton Daji da ke Tsafe.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
