Siyasar Kano: Barau Ya Bukaci Majalisa Ta Mayar da Sunan Yusuf Maitama a Jami'ar FUE

• Sanata Barau I Jibrin ya fara fafutukar a mayar da sunan Dan Masanin Kano, Yusuf Maitama Sule ga wata jami'a
• Ya fara daukar matakin ne bayan gwamnatin Abba Kabir Yusuf ta cire sunan daga jami'ar NorthWest da ke jihar Kano
• Mataimakin shugaban majalisar dattawan, Barau Jibrin ya bayyana cewa tuni kudirin ya tsallake karatu na farko

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Jihar Kano - Sabanin siyasar Kano na shirin tsallakawa manyan makarantu, musamman kwanaki kadan bayan sauya sunan jami'ar Yusuf Maitama Sule zuwa tsohon sunanta.

A ranar Talata mataimakin shugaban majalisa, Barau I Jibrin ya gabatar da kudiri a gaban majalisa domin mayar da sunan Yusuf Maitama Sule ga jami'ar Ilimi ta tarayya (FUE).

A sakon da ya wallafa a shafinsa na Facebook, Barau I Jibrin ya bayyana farin cikin yadda kudirin da ya gabatar ya tsallake karatu na farko a zaman majalisar.

Kara karanta wannan

Atiku ya dura a kan 'yan sanda, ya soki yadda aka kama mai adawa da gwamnati

Ra'ayin 'yan FUE Kano na sauya sunan jami'ar

Wasu daga cikin daliban FUE sun bayyana cewa ba su damu da sunan da za a kira jami'ar ba, matukar ta na cigaba da koyo da koyarwa a cikin yanayi mai kyau.

Amina Alhassan ta shaidawa Legit cewa dama jami'ar ba ta da sunan wani, illa ana kiranta ne da 'Federal University of Education' kawai.

Ana zargin siyasa a sauya sunan jami'ar Kano

Wani babban malami a jami'ar FUE, Dr. Ibrahim Kabuga ya bayyana cewa ko da akwai siyasa a batun sauya sunan jami'ar, ba laifi ba ne.

Ya ce akwai takwarorin FUE a Kudancin kasar nan da ke dauke da sunayen manyan shiyyar da su ka bayar da gudunmawa wajen cigaban jama'arsu.

Kano: An sauya ranar bikin 'ya'yan Barau

A wani labarin, kun ji cewa an samu karin bayani kan dalilin da ya sa aka dauke bikin 'ya'yan Sanata Barau I Jibrin da na Alhaji Nasir Ado Bayero daga Kano zuwa Abuja.

Kara karanta wannan

Sultan da shugaban CAN sun ajiye bambancin addini, sun mika bukata 1 ga Tinubu

Bayanin na zuwa bayan an fara zargin an sanya daurin auren 'ya'yan a fadar Nasarawa da Sarkin Kano 15, Aminu Ado Bayero ke zaune saboda wata manufa ta bambancin siyasa.

Muhammad Malumfashi, babban edita a sashen Hausa na Legit ya duba labarin.

Asali: Legit.ng