Dakarun Sojoji Sun Kashe Kwamandan Yan Ta'adda da Wasu Mutum 4 a Yobe
- Dakarun rundunar sojin Operation Haɗin Kai sun daƙile harin mayakan Boko Haram a yankin ƙaramar hukumar Gujba a Yobe
- Sojojin sun kashe babban kwamandan Boko Haram mai suna Abu Shekau da wasu ƴan ta'adda huɗu yayin da sauran suka ari na kare
- An ruwaito cewa dakarun sojojin sun kuma kwato makamai daga ƴan ta'addan bayan musayar wuta mai zafi tsakaninsu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Yobe - Dakarun sashe na 2 na rundunar sojin Operation Hadin Kai tare da hadin gwiwar 'yan banga sun dakile harin 'yan ta'addar Boko Haram a jihar Yobe.
Dakarun sojojin sun daƙile harin ƴan Boko Haram tare da kashe kasurgumin kwamanda a kauyen Fegi da ke yankin Buni Yadi, karamar hukumar Gujba a Yobe.
Asali: Facebook
Masani kuma mai sharhi kan al'amuran tsaro a yankin tafkin Chadi, Zagazola Makama ne ya bayyana hakan a shafinsa na X ranar Jumu'a.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Sojojin sun kashe kwamandan Boko Haram
Ya ce ƴan ta'addan sun yi yunkurin kai harin da misalin karfe 11 na safe, sojoji suka tarbe su aka yi musayar wuta mai zafi.
Daga cikin jagororin ‘yan ta’addan da sojojin suka kashe a artabun har da wani fitaccen kwamandan Boko Haram, Abu Shekau.
Sojoji sun kwato makamai daga ƴan ta'adda
Dakarun sojojin sun ƙwato makamai daga hannun ƴan ta'addan bayan sun ci ƙarfinsu da luguden wuta, wanda bisa tilas suka arce don tsira da rayuwarsu.
Abu Shekau dai na goyon bayan marigayi shugaban Boko Haram, Abubakar Shekau, kuma yana da matsayi babba a kungiyar ta'addanci.
An tattaro cewa Abu Shekau ya sanyawa dansa sunan Abubakar Shekau a matsayin girmamawa ga tsohon shugaban kungiyar Boko Haram da aka kashe a rigimar cikin gida.
Boko Haram ta kashe mutane a Yobe
A wani rahoton, kun ji cewa ƴan ta'adɗan Boko Haram sun kai sabon harin ta'addanci a ƙaramar hukumar Tarmuwa ta jihar Yobe.
Miyagun ƴan ta'addan sun hallaka mutane da dama tare da ƙona shaguna da gidaje a harin wanda suka suka kai ranar Lahadi.
Asali: Legit.ng
