Katsina: Bankin Duniya Ya Ware Biliyoyi domin Gina Makarantu Kusan 100

• Bankin duniya ya dauko shirin bunkasa ilimi wajen samar da makarantu da kayan aiki ga dalibai da malamai a Najeriya
• A jihar Katsina, bankin ya ware biliyoyin kudi domin gida makarantu sakandare kusan 100 a ƙananan hukumomin daban daban
• Gwamna Dikko Umaru Radda ya yi na'am da shirin inda ya jagoranci kaddamar da rukunin farko na aikin a Kofar Kaura

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Katsina - Shirin Agile karkashin bankin duniya zai kashe biliyoyi wajen gina makarantu a jihar Katsina.

Gwamna Dikko Umaru Radda ya yi jawabi yayin bude rukunin farko na aikin a makarantar Muhammadu Dodo a Kofar Kaura.

Hadimin gwamna Radda, Ibrahim Kaulaha Muhammad ya wallafa yadda aka bude makarantar a cikin wani sako da ya wallafa a shafinsa na Facebook.

Kara karanta wannan

Gwamna ya ba da umarnin rufe makarantu saboda mutuwar Sanata, bayanai sun fito

Za a gina makarantu 75 a jihar Katsina

Shirin Agile na bankin duniya ya aza tubalin gina makarantun sakandare 75 a kananan hukumomin Katsina.

Ana sa ran cewa bayan gina makarantun za a yi horo na musamman ga malamai da samar da kayan aiki na zamani.

Shugaban Agile a jihar Katsina, Dr Mustapha Shehu ya ce bankin duniya ya ware sama da Naira biliyan 30 domin aikin.

"A a rukuni na biyu na shirin, za a fadada shi wajen ba da damar koyon sana'o'i da yi wa malamai horo."

- Dr Mustapha Shehu

Bayanin gwamna Radda kan aikin makarantu

Yayin da yake jawabi, gwamna Dikko Umaru Radda ya bayyana cewa shirin zai taimaka wajen inganta ilimi a Katsina.

Gwamna Dikko Radda ya kara da cewa shirin ya dace da ƙoƙarin da suke wajen bunkasa ilimi a jihar.

"Za mu cigaba da samar da makarantu da yanayi mai kyau da za a koyar da al'ummar jihar Katsina.

Kara karanta wannan

'Na yi babban rashi': Buhari ya jajanta da amininsa, Talban Katsina ya kwanta dama

Za mu tabbatar dukkan yan jihar Katsina sun samu ingantaccen ilimin da sauran damarmakin rayuwa."

- Dikko Umaru Radda

Radda ya yi ta'aziyyar hakimin Kurfi

A wani rahoton, kun ji cewa gwamnan jihar Katsina, Dikko Umaru Radda, ya miƙa saƙon ta'aziyyarsa kan rasuwar Hakimin Kurfi, Alhaji Ahmadu Kurfi.

Malam Dikko Radda ya bayyana marigayin a matsayin jajirtaccen ma'aikacin gwamnati wanda ya ba da gudunmawarsa ga Najeriya a ɓangarori daban-daban.

Asali: Legit.ng