Kashim Shettima ya Zama Waliyyin Ango a Bikin Diyar Kwankwaso

• Mataimakin shugaban kasa, Kashim Shettima ya halarci daurin auren diyar Kwankwaso a matsayin waliyyin ango
• An biya Naira Miliyan daya a matsayin sadakin Dr. Aisha Rabi'u Musa Kwankwaso wanda ya guda a fadar Sarki Muhammadu Sanusi
• Gwamnan Kano, Injiniya Abba Kabir Yusuf da ya yi masaukin baki shi ne waliyyin amarya a auren da aka daura da misalin 12 n.r

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Jihar Kano – Mataimakin shugaban kasa, Kashim Shettima ya sauka a Kano domin halartar daurin auren 'yar Sanata Rabi’u Musa Kwankwaso.

Mataimakin shugaban kasa ne waliyyin ango, Injiniya Fahad Dahiru Mangal, yayin da gwamna Abba Kabir Yusuf ya zama waliyyin amarya, Dr. Aisha Rabiu Musa Kwankwaso.

A sakon da Stanley Nkwocha a ya wallafa a shafinsa na X, Kashim Shettima ya sauka a filin jirgin Malam Aminu Kano.

Kara karanta wannan

Obasanjo ya halarci bikin diyar Kwankwaso da jar hula a Kano

Kashim ya halarci auren diyar Kwankwaso

Jaridar Daily Trust ta wallafa cewa manyan kasar nan da su ka hada da Sanata Kashim Shettima da wasu jiga jigai su na Kano a yanzu.

Sun taru ne albarkacin bikin diyar Sanata Rabi’u Musa Kwankwaso da dan fitaccen dan kasuwa, Dahiru Mangal.

Kwankwaso ya karbi manyan baki

Sanata Rabi’u Musa Kwankwaso da gwamnan Kano Abba Kabir Yusuf na ta karbar manyan baki a bikin 'yarsu, Dr. A'isha Rabi’u Musa Kwankwaso.

An daura aurenta da Injiniya Fahad Dahiru Mangal a kan sadaki Naira Miliyan daya a fadar Mai Martaba Sarkin Kano, Malam Muhammadu Sanusi II.

Kano ta cika da jiga jigan siyasa daga jam'iyyu daban daban da tsofaffin gwamnoni da gwamnonin da ke kan mulki domin halartar daurin auren.

Obasanjo ya halarci bikin diyar Kwankwaso

A baya mun wallafa cewa tsohon shugaban kasa, Sanata Rabi’u Musa Kwankwaso ya karbi bakuncin tsohon shugaban kasa, Cif Olusegun Obasanjo domin halartar daurin auren Aisha Kwankwaso.

Kara karanta wannan

'Ta burge ni': Abin da Sheikh Kabiru Gombe ya ce a liyafar auren yar Kwankwaso

Gwamna Kano, Abba Kabir Yusuf, mataimakinsa Kwamred AbdulSalam Gwarzo, Sanata Rabi’u Musa Kwankwaso da sauran manyan jami’an gwamnati ne su ka tarbi Cif Olusegun Obasanjo.

Asali: Legit.ng