Obasanjo ya Halarci Bikin Diyar Kwankwaso da Jar Hula a Kano
- Tsohon shugaban Najeriya, Cif Olusegun Obasanjo ya halarci taron daurin auren diyar Sanata Rabi'u Musa Kwankwaso
- Jagoran Kwankwasiyya da gwamnan Kano, Abba Kabir Yusuf da sauran mukarraban a gwamnati ne su ka tarbi Obasanjo
- An hango tsohon shugaban kasar cikin nishadi da cikakkiyar shiyar Kwankwasiyya, wato jar hula da fararen kaya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.
Jihar Kano - Tsohon mataimakin shugaban kasa, Cif Olusegun Obasanjo ya dura a Kano domin halartar daurin auren diyar Sanata Rabi'u Musa, Dr. Aisha.
A yau ne ake daurin auren Dr. Aisha Rabi'u Musa Kwankwaso da angonta Injiniya Fahad Dahiru Mangal a fadar Mai Martaba Sarkin Kano, Muhammadu Sanusi II.
Asali: UGC
Jaridar Daily Trust ta wallafa cewa jagoran Kwankwasiyya na kasa, kuma tsohon gwamnan Kano, Rabi'u Musa Kwankwaso ya na karbar manyan baki a bikin diyarsa.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Obasanjo ya yi shigar Kwankwasiyya
Rahotanni sun bayyana cewa tsohon shugaban kasar nan, Cif Olusegun Obasanjo ya yi shigar Kwankwasiyya domin halartar bikin 'yar Kwankwaso, Dr. Aisha Rabi'u Musa Kwankwaso.
Sanata Rabiu Musa Kwankwaso, gwamnan Kano, Abba Kabir Yusuf da mataimakinsa, Kwamred Aminu AbdulSalam Gwarzo ne su ka tarbi Obasanjo a filin jirgin Malam Aminu Kano.
Kano ta dinke da yan Kwankwasiyya
Yan tafiyar Kwankwasiyya da sauran manyan yan siyasa a fadin kasar nan ne su ke cigaba da shigowa jihar Kano domin halartar biki yar Kwankwaso.
Yanzu haka an daura auren Dr Aisha Rabiu Musa Kwankwaso da Fahad Dahiru Mangal a fadar Kofar Kudu ta Sarki Muhammadu Sanusi II.
Malamai sun halarci liyafar bikin diyar Kwankwaso
A baya mun ruwaito cewa manyan malaman addinin musulunci, ciki har da na Izala ne su ka halarci liyafar bikin diyar Sanata Rabi'u Musa Kwankwaso da ya gudana a jihar Kano.
Lamarin ya fusata jama'a da dama da ke ganin rashin dacewar halartar liyafar da malaman su ka yi a wani shiri na halartar daurin auren Dr. Aisha Rabiu Musa Kwankwaso da Fahad Mangal.
Asali: Legit.ng
