Abba Zai Aurar da Ƴar Kwankwaso ga Ɗan Shahararren Mai Kuɗi a Najeriya

• Jagoran NNPP, Sanata Rabi'u Musa Kwankwaso ya sanya ranar bikin yarsa mai suna Dr. Aisha Rabi'u Musa da za a daura a cikin Kano
• Rahotanni sun tabbatar da cewa Fahad Dahiru Mangal ne zai auri Aisha kuma gwamnan jihar Kano, Abba Kabir Yusuf ne waliyin amarya
• Ana sa ran cewa manyan baki a ciki da wajen Najeriya ne za su halarci bikin daurin auren da za a yi a kofar Kudu a Kanon Dabo

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kano - Gwamnatin Kano ta fitar da sanarwar daurin auren yar Sanata Rabi'u Musa Kwankwaso.

Gwamna Abba Kabir Yusuf ya ce suna gayyatar yan uwa da abokan arziki domin shaida daurin auren Dr Aisha Rabi'u Kwankwaso.

Legit ta tatttaro bayanai kan yadda auren zai gudana ne a cikin wani sako da Sanusi Bature Dawakin-Tofa ya wallafa a Facebook.

Kara karanta wannan

Kano: Dan Sarki Sanusi II zai samu babbar sarauta, an gayyaci al'umma gagarumin bikin

Rabiu Kwankwaso zai aurar da yarsa

Jagoran NNPP a Najeriya, Sanata Rabi'u Musa Kwankwaso zai aurar da yar autansa mai Suna Dr Aisha.

A ranar Asabar, 16 ga watan Nuwamba za a daura auren kamar yadda gwamnatin Kano ta tabbatar.

Ɗan Dahiru Mangal zai auri yar Kwankwaso

Dan gidan shahararren dan kasuwa kuma mai kuɗi a Najeriya, Dahiru Mangal ne zai auri Aisha Rabi'u Kwankwaso.

Iyalan Kwankwaso da dan kasuwar sun sanar da cewa suna gayyatar yan uwa da abokan arziki zuwa shaida daurin auren Fahad Dahiru Mangal da Aisha.

A ina za a daura auren yar Kwankwaso?

Rahotanni sun tabbatar da cewa za a daura auren ne a fadar mai martaba Muhammadu Sanusi II a kofar Kudu a Kano.

Haka zalika an ruwaito cewa gwamna Abba Kabir Yusuf ne zai bayar da auren Aisha Kwankwaso ga Fahad Dahiru Mangal.

Gwamnatin Kano ta umarci jami'an tsaro su shirya domin tabbatar kiyaye dukiya da lafiya kasancewar za a samu baki daga ciki da wajen Najeriya.

Kara karanta wannan

Tsadar rayuwa: Tinubu ya karfafi yan Najeriya, ya yi kyakkyawan albishir

Goje ya yi magana kan auren yarsa

A wani rahoton, kun ji cewa tsohon gwamnan jihar Gombe, Sanata Danjuma Goje ya bayyana rashin jin dadin yadda ake zargin watsa kudi a bikin diyarsa.

An daura auren Fauziyya Danjuma Goje da angonta, Aliyu Ahmed Abubakar a Abuja, shugaba Bola Tinubu ya zama waliyyin amarya.

Muhammad Malumfashi, babban edita a sashen Hausa na Legit ya duba labarin.

Asali: Legit.ng