Lokaci Ya Yi: Tsohon Mataimakin Gwamna a Najeriya Ya Rasu
- Jihar Delta ta yi rashin ɗaya daga cikin waɗanda suka taɓa jan ragamar shugabancinta a mulkin dimokuraɗiyya
- Tsohon mataimakin gwamnan jihar, Farfesa Amos Utuama ya yi bankwana da duniya a safiyar ranar Asabar, 2 ga watan Nuwamban 2024 a Legas
- Marigayin wanda ya yi wa Gwamna Emmanuel Uduaghan mataimaki na tsawon shekara takwas ya kuma taɓa riƙe muƙamin kwamishinan shari'a na jihar
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Delta - Wani tsohon mataimakin gwamnan jihar Delta, Farfesa Amos Utuama, ya rasu.
Marigayin wanda babban lauyan Najeriya (SAN) ne, ya rasu da sanyin safiyar ranar Asabar, 2 ga watan Nuwamban 2024 a Legas.
Asali: Original
Jaridar Tribune ta rahoto cewa an haifi Amos Utuama a ranar 5 ga watan Yuni, 1947.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Tsohon mataimakin gwamnan Delta ya rasu
Marigayin ya kasance mataimakin tsohon Gwamna Emmanuel Uduaghan, kuma dukkansu sun yi shekara takwas a jam'iyyar PDP, rahoton jaridar Vanguard ya tabbatar.
Sai dai, ya kasance kwamishinan shari’a kuma Antoni Janar na jihar Delta a ƙarƙashin gwamnatin tsohon Gwamna James Ibori.
Har yanzu dai Iyalan marigayin ba su sanar da rasuwarsa a hukumance ba.
Kafin shigarsa siyasa, Farfesa Utuama ya kasance babban malami a tsangayar shari'a ta jami'ar Legas.
Marigayin ɗan asalin garin Otughievwen (Otu-Jeremi) ne a masarautar Ughievwen ta ƙaramar hukumar Ughelli ta Kudu a jihar Delta.
Tsohon mataimakin gwamnan y koma baya jin daɗin rayuwa tun bayan rasuwar matarsa Dokta Nelly Utuama, kuma ya sha kwanciya a asibiti.
Karanta wasu labaran kan rashe-rashe
- Ana fargabar ƴan Maulidi 150 sun rasu bayan haɗarin jirgin ruwa
- Kawun tsohon ministan Najeriya, Farfesa Isa Pantami ya rasu yana da shekara 110
- Ɗan majalisar tarayya mai wakiltar jihar Jigawa ya rasu
Tsohon minista ya rasu
A wani labarin kuma, kun ji cewa an shiga jimami bayan rasuwar tsohon minista kuma tsohon shugaban Arewa Consultative Forum (ACF), Cif Gabriel Aduku.
Cif Gabriel Aduku ya rasu ne a ranar Litinin 11 ga watan Maris 2024 a ƙasar Amurka bayan ya sha fama da jinya mai tsayi.
Marigayin kafin rasuwarsa ya rike karamin ministan lafiya a Najeriya kafin daga bisani ya bar kujerar kungiyar ACF.
Asali: Legit.ng
