'Yan Bindiga Sun Sake Kai Kazamin Hari, Sun Yi Garkuwa da Fasinjoji Sama da 20

• Ƴan bindiga sun sake kai hari yankin Kontagora, sun yi garkuwa da fasinjoji akalla 22 a jihar Neja ranar Alhamis
• Kakakin majalisar dokokin jihar Neja, Abdulmalik Sarkin Daji ya ce harin ya kara tabbatar da halin da ake ciki a Kontagora
• Ɗan majalisa mai wakiltar Kontagora II, Abdullahi Isah ya koka kan yawaitar hare-haren ƴan bindiga a mazaɓarsa

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Niger - Rahotanni sun nuna akalla fasinjoji 22 ne ƴan bindiga suka yi awon gaba da su a yankin ƙaramar hukumar Kontagora da ke jihar Neja ranar Alhamis da ta shige.

'Yan bindigar dauke da muggan makamai sun tafi da fasinjojin, wadanda ke tafiya a cikin motoci biyar, zuwa dajin da ke kusa.

Kara karanta wannan

Kwana ya ƙare: Tsohon mataimakin shugaban majalisa ya rasu a hatsari

Kakakin majalisar dokokin jihar Neja, Hon. Abdulmalik Sarkin Daji, ya tabbatar da faruwar lamarin ga manema labarai, kamar yadda Leadership ta ruwaito.

Ƴan bindiga sun tare matafiya a Kontagora

Ya ce miyagun sun yi garkuwa fasinjojin a daidai dajin Beri da ke kan titin zuwa Kontagora kusa da wani barikin soji.

Shugaban majalisar ya ce wannan harin ya kara tabbatar da maganar da ɗan majalisa mai wakiltar Kontagora II, Abdullahi Isah ya yi a kwanakin baya.

Tun farko dai Abdullahi Isah ya nuna fargaba kan yawaitar hare-haren da ‘yan bindiga ke kai wa kan titin Kontagora kusa da wani sansanin sojoji.

Karanta wasu labaran jihar Neja

• Ƴan bindiga sun addabi mutanen wasu ƙauyukan da ke a ƙaramar hukumar Kontagora ta jihar Neja
• Yan bindiga sun ƙwace sansanin ɗaukar horon sojojin Najeriya? DHQ ta faɗi gaskiya
• 'Yan bindiga sun hallaka matafiya, sun yi awon gaba da manoma a Neja

Kara karanta wannan

Kaico: Wani matashin yaro ɗan shekara 16 ya hallaka kishiyar mahaifiyarsa

Yan bindiga sun kashe ƴan banga a Neja

A wani rahoton, kun ji cewa wasu miyagun ƴan ta'adda sun kai farmaki a jihar Neja inda suka hallaka jami'an tsaro na ƴan banga.

Ƴan ta'addan sun hallaka ƴan bangan ne a ƙaramar hukumar Mariga ta jihar a harin da suka kai ranar Alhamis, 31 ga watan Oktoban 2024.

Muhammad Malumfashi, babban edita a sashen Hausa na Legit ya duba labarin.

Asali: Legit.ng