Babu Ƙabilanci a Musulunci: Sheikh Jingir Ya Tura Sako ga Tinubu

• Shugaban malaman ƙungiyar Izala mai hedikwata a Jos ya yi kira na musamman ga shugaban kasa Bola Ahmed Tinubu
• Sheikh Muhammad Sani Yahaya Jingir ya bukaci a yi dubi kan rikicin siyasa da ya ke faruwa a jihohin Rivers da Kano
• Malamin ya kuma yi magana kan matsalar lantarki da aka shiga a Arewacin Najeriya da aka shafe kwanaki babu wuta

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Fitalo - Shugaban malaman Izala, Sheikh Muhammad Sani Yahaya Jingir ya tura sako zuwa ga Bola Tinubu.

Sheikh Muhammad Sani Yahaya Jingir ya bukaci Bola Tinubu ya yi bincike kan wasu abubuwa da suke faruwa a Najeriya.

Kara karanta wannan

'Yana kwana babu barci,' An bayyana ƙoƙarin da Tinubu ya ke yi wajen gyara Najeriya

Legit ta tatttaro bayanan da Sheikh Jingir ya yi ne a cikin wani bidiyo da Hamza Muhammad Sani ya wallafa a Facebook.

Sakon Sheikh Jingir ga Bola Tinubu

Sheikh Jingir ya bukaci shugaba Tinubu ya yi bincike kan rikicin siyasa da yake faruwa a jihohin Rivers, Kano da Filato.

Shugaban na kungiyar Izala ya ce addinin Musulunci bai yarda da kabilanci, rashin gaskiya ko saɓa alkwari ba.

"Bai kamata gwamnan da ya gama shekaru takwas ya zo ya hana wanda ya biyo bayansa aiki ba.

Ka da a bari a tayar da rikici a jihohin Rivers da Kano saboda wasu tsofaffin gwamnoni suna tare da gwamnati.

Ina kira ga shugaba Tinubu ya yi bincike a kan abin da ke faruwa a Kano da jihar Rivers domin tabbatar da gaskiya da adalci.

Kara karanta wannan

Matsin rayuwa: Ganduje ya fadawa yan Najeriya abin da ba su sani ba kan Tinubu

- Sheikh Sani Yahaya Jingir

Sheikh Jingir ya yi magana kan lantarki

Sheikh Sani Yahaya Jingir ya ce rashin wuta da aka shiga a Arewa na da alaƙa da sakacin shugabannin da suka fito daga yankin.

Malamin ya kuma yi kira ga Bola Tinubu ya binciki menene ya saka wasu gwamnoni shigar da EFCC kotu domin tabbatar da gaskiya.

Malamai sun goyi bayan APC

A wani rahoton, kun ji cewa kungiyar malaman addinin Musulunci a jihar Ondo ta goyi bayan gwamna Lucky Aiyedatiwa.

Malaman sun ce za su zabi jam'iyyar APC a zaben gwamna da za a yi a jihar Ondo kamar yadda suka zabi Bola Ahmed Tinubu.

Muhammad Malumfashi, babban edita a sashen Hausa na Legit ya duba labarin.

Asali: Legit.ng