"Ana Abin Kunya:" Tsohon Sanata Ya Ba Tinubu Shawara kan Shari'a da Kananan Yara

• Sanata Shehu Sani ya sake dura a kan gwamnatin Bola Ahmed Tinubu bisa zargin aikata ba daidai ba ga yara ƙanana
• Tsohon Sanatan Kaduna ya fusata ne bayan wasu daga cikin yaran da gwamnati ke zargi da tarzoma sun fadi a kotu
• A ranar Juma'a ne aka gurfanar da wasu yara da jami'an rundunar yan sandan kasar nan su ka kama gaban kotu

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Jihar Kaduna - Tsohon Sanata mai wakiltar Kaduna ta Tsakiya, Shehu Sani ya yi tir da yadda gwamnatin tarayya ta gurfanar da kananan yara gaban kotu. Sanatan ya ce gwamnatin tarayya ta tafka abin kunya idan aka yi duba da karancin shekarun yaran da ake zargi da aikata laifi lokacin zanga-zanga.

Kara karanta wannan

Muguntar T pain: Atiku ya caccaki gwamnatin Tinubu kan kai yara kotu

A sakon da ya wallafa a shafinsa na X, Shehu Sani ya shawarci mahukuntan kasar nan kan abin da ya dace su yi da yaran da ake tuhuma da karya doka.

"Gwamnati ta yi abin kunya:" Sanata Shehu Sani

Tsohon Sanatan ya ce gurfanar da yara masu karancin shekaru da gwamnatin Najeriya ta yi a gaban kotu babban abin kunya ne.

Sanata Shehu Sani ya kara da cewa wannan abu da ya afku tamkar cin mutuncin dimokuradiyya ne da bai dace a samu gwamnati da aikatawa ba.

Tsohon Sanata ya ba Tinubu shawara

Tsohon Sanata Shehu Sani ya shawarci gwamnatin tarayya da ta gaggauta janye zarge-zargen da ta ke yi wa yaran da aka kama lokacin zanga-zanga.

Ya kuma kara shawartar gwamnati da ta tabbatar da an mayar da dukkanin yaran gaban iyayensu a jihohin da aka dauko su.

Kara karanta wannan

Zanga zanga: Amnesty ta bukaci Tinubu ya gaggauta sakin yaran da aka kai kotu

Gwamnatin Tinubu ta gurfanar da yara kotu

A wani labarin kun ji cewa wasu daga cikin yara masu karancin shekaru da gwamnatin Bola Ahmed Tinubu ta gurfanar a gaban kotu sun suma ana shari'a.

Yaran da rundunar yan sanda ta kamo daga jihar Kano sun yanke jiki sun fadi, lamarin da lauyansu ya ce ya nuna ba sa samun abinci a hannun yan sanda.

Muhammad Malumfashi, babban edita a sashen Hausa na Legit ya duba labarin.

Asali: Legit.ng