An Tashi Baram Baram: Gwamnati da Ma'aikatan Jami'o'i Sun Gaza Fahimtar Juna
- An sake tashi babu fahimtar juna tsakanin gwamnatin tarayya da kungiyar ma'aikatan jami'o'i da ke yajin aiki
- Kungiyar ta fara yajin aiki a ranar Litinin, inda ta zargi gwamnati da kin daukar hakkokinsu da muhimmanci
- Shugaban SSANU na kasa, Mohammed Ibrahim ya ce ba za su koma bakin aiki ba har sai gwamnati ta biya albashinsu da ta rike
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.
FCT Abuja - Gwamnatin tarayya da gamayyar kungiyar ma'aikatan Najeriya sun gaza cimma matsaya domin kawo karshen yajin aikin da ake yi.
Tsohon karamin Ministan ilimi, Dr Yusuf Sununu ne ke jagorantar tattaunawar da zummar samar da daidaito tsakanin ma'aikatan da gwamnati.
Asali: Facebook
Jaridar Punch ta ruwaito cewa duk da zaman da aka yi a ranar Alhamis, gwamnati ta kasa biyawa ma'aikatan bukatunsu ballantana su janye yajin aiki.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ma'aikatan jami'o'i sun shiga yajin aiki
A ranar Litinin ne kungiyoyin ma'aikatan jami'o'i na SSANU da NASU su ka tsunduma yajin aiki bisa rike masu albashin wata hudu da gwamnati ta yi.
Amma a sakon da gwamnati ta wallafa a shafin ma'aikatar ilimi na Facebook,ta ce a shirye ta ke wajen kawo karshen yajin aikin ma'aikatan.
Yaushe ma'aikata za su janye yajin aiki?
Shugaban kungiyar SSANU na kasa, Mohammed Ibrahim ya bayyana cewa manyan ma'aikatan jami'o'i har da shugabanninsu ba su karbi albashi ba.
Mohammed Ibrahim ya ce za su cigaba da kulle manyan makarantun kasar nan har sai sun ga albashinsu na wata hudu ya nuna a akawun.
Ma'aikatan jami'o'i sun ki komawa aiki
A baya mun ruwaito cewa kungiyar ma'aikatan jami'o'in kasar nan ta ce babu abin da zai mayar da ita bakin aiki matukar gwamnatin tarayya ba ta biya hakkokinsu ba.
Shugaban kungiyar SSANU na kasa, Mohammed Ibrahim ya ce abin takaici ne yadda gwamnati ke masu wasu da hankali na ainihin inda albashinsu ya makale.
Asali: Legit.ng
