'Kaduna Kun ba Mu Kunya': An Yi Ce ce kuce kan Bidiyon Murnar Dawo da Wutar Lantarki
- Mutane sun tofa albarkacin bakinsu bayan murnar dawo da wutar lantarki a wasu jihohin Arewacin Najeriya
- An wallafa wani faifan bidiyo da mutane ke ihu da aka tabbatar yan jihar Kaduna ne a daren jiya Larabar nan
- Sai dai wasu sun nuna takaici kan murnar da ake yi duk da azabtar da al'umma da aka yi fiye da kwanaki 10
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Kaduna - Wasu mazauna jihar Kaduna sun barke da murna bayan dawo da wutar lantarki.
A daren jiya Laraba 30 ga watan Oktoban 2024 aka dawo da wuta a wasu jihohin Arewa bayan shafe kwanaki babu ita.
Asali: UGC
Lalacewar wutar lantarki ta durkusar da Arewa
Wani mai amfani da shafin X, @Imranmuhdz shi ya wallafa faifan bidiyo inda ake murnar dawowar wuta.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A cikin faifan bidiyon an gano yara da matasa na buga karafu suna ihu cewa 'NEPA ta dawo, NEPA ta dawo'.
Hakan na zuwa ne bayan shafe kwanaki fiye da 10 babu wutar lantarki a mafi yawan jihohin Arewa.
Hakan ya faru ne saboda lalacewar wutar lantarki a yankin wanda ya jefa al'umma cikin mummunan yanayi.
Sai dai bidiyon da aka yada ya jawo martanin jama'a inda wasu ke cewa hakan abin takaici ne.
Wasu ko cewa suke yi yan Kaduna sun ji kunya duk da ikirarin wayewar da ake cewa sun yi a Arewa.
Martanin mutane kan murnar dawo da wuta
@KingANAD:
"Gaskiya mutanan Kawo ba ku kyauta mana ba, kun ci amanar wayewar yan Kaduna."
@Emeka:
"Shugabannin Najeriya sun fi kowa sa'a a duniya baki daya."
@OfficialEdoOsasB:
"Tinubu yana aiki, yan Arewa kuma sai murna suke yi."
@Henryhoomen1:
"Abin takaici wannan shi ne yadda shugabanni suka mayar da mu, ya kamata an wuce maganar wutar lantarki."
@ddharunaa:
"Dawo da wutar ba zai saka mu manta da azabar da muka sha na kwanaki 10 ba, mun ba APC kuri'u amma cikin shekara 1 da kadan an wulakanta mu, shirinmu shi ne hana APC da Tinubu cin zabe a 2027."
An dawo da wutar lantarki a wasu jihohi
Kun ji cewa an dawo da wutar lantarki a wasu jihohi a Arewacin Najeriya akalla guda bakwai a daren jiya Laraba.
Hakan ya biyo bayan lalacewar wutar na tsawon fiye da kwanaki 10 saboda lalacewar turakun wuta a kasar.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
