Sojoji Sun yi Luguden Wuta kan Boko Haram Suna tsaka da Taro
- Rundunar sojin saman Najeriya ta yi nasarar hallaka mayakan kungiyar Boko Haram a wasu yankunan jihar Borno
- Rahotanni na nuni da cewa sojojin Najeriya sun saki wuta kan Boko Haram ne yayin da suke tsaka da wata tattaunawa
- Rundunar sojin saman Nigeriya ta tabbatar da cewa ta hallaka yan ta'addan da dama bayan harin da ta kai musu a lokacin
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.
Jihar Borno - Rundunar sojin saman Nigeriya ta samu gagarumar nasara kan yan ta'addan kungiyar Boko Haram.
Sojoji sun kashe yan Boko Haram da dama yayin da suka kai musu wani hari ta jirgin sama suna wani taro.
Asali: Getty Images
Jaridar Daily Trust ta wallafa cewa sojojin sun kai farmakin ne bayan sun samu bayanan sirri kan yan ta'addar.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An yi luguden wuta kan Boko Haram
Sojojin saman Najeriya sun saki boma bomai kan yan ta'addar Boko Haram inda suka kashe da dama.
Punch ta ruwaito cewa kwamandan rundunar Operation Hadin Kai ne ya tabbatar da faruwar lamarin a ranar 25 ga watan Oktoba.
Haka zalika rundunar ta tabbatar da cewa sojojin sun yi luguden wuta kan Boko Haram ne a wurare biyu a yankin Bula Marwa a Borno.
Yadda sojoji suka gano Boko Haram
Darkatan yada labaran NAF, Olusola Akinboyewa ya ce sun gano cewa yan Boko Haram na yawan haduwa a Bula Marwa.
A sanadiyar haka suka gano cewa yan ta'addar sun taru da babura kusan 12 a wasu wurare domin tattaunawa a tsakaninsu.
Yadda sojoji suka kashe Boko Haram
Bayan tattara bayanai sai rundunar ta yi amfani da jirgin yaki ta saki boma bomai a kan yan ta'addar yayin sa suka taru.
Bayan sakin bom din sai wasu suka taru domin dauke wadanda aka kashe daga nan kuma aka kara sakin wuta a kansu suma suka mutu.
An kama babban dan daba a Kano
A wani rahoton, kun ji cewa rundunar yan sandan Najeriya a jihar Kano ta samu nasara a kan wasu tarin yan daba da ake zargi da aikata manyan laifuffuka.
Cikin wadanda aka kama akwai babban dan daba da aka fi sani da Gundura wanda shi ake zargi da jagorantar ayyukan daba a Kano.
Asali: Legit.ng
