Awanni da Amincewa da Mafi Ƙarancin Albashi, An Shawarci Gwamna Ya Dakata da Biya
- An shawarci Gwamna Nasir Idris na jihar Kebbi ya jinkirta biyan mafi ƙarancin albashi ga ma'aikatan kananan hukumomi
- Kungiyoyin ma'aikatan kananan hukumomi da na malamai su suka ba gwamnan shawara saboda rashin kammala shirye-shirye
- Kwamishinan kananan hukumomi da ya jagoranci kungiyoyin, Abubakar Garba Dutsinmari ya ce ba a gama tantance ma'aikatan ba
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Kebbi - Kasa da awa 24 bayan amincewa da mafi ƙarancin albashi, kungiyoyi sun ba gwamnan jihar Kebbi, Nasir Idris shawara.
Kungiyoyin uku sun bukaci Gwamna Nasir Idris ya jinkirta biyan mafi ƙarancin albashi da ya yi niyya.
Asali: Twitter
An ba gwamna shawara kan mafi ƙarancin albashi
Daily Trust ta ce kungiyoyin sun hada da na ma'aikatan kananan hukumomi (NULGE) da na kananan hukumomi (ALGON) da kuma na malamai (NUT).
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Shugabannin kungiyar NULGE da ALGON sun bayyana haka ne a cikin wata sanarwa da suka fitar a yau Juma'a 25 ga watan Oktoban 2024.
Kwamishinan kananan hukumomi a jihar, Abubakar Garba Dutsinmari ya ce akwai da yawa daga cikin ma'aikatan kananan hukumomi da ba a tantance ba.
Dutsinmari ya ce hakan zai ba da damar kammala tantancewar da kuma sanin yawan ma'aikatan.
"Mu na rokon gwamna da ya daga lokacin biyan mafi ƙarancin albashi wanda ba zai yi kasa da makwanni biyu ba domin kammala shirye-shirye."
- Kungiyoyin
Albashi: Kungiyoyi sun roki gwamnan Kebbi
Shugaban NULGE, Kwamred Farouk Abubakar Sadiq da ALGON a jihar, Muhammad Nayaya sun roki kwamishinan ya nemi alfarmar gwamnan.
Kwamishinan ya ce zai sake komawa wurin gwamnan amma idan hakan bai yiwuwa ba zuwa ranar Litinin dole za a biya kamar yadda ya umarta.
Gwamnan Kebbi zai biya mafi ƙarancin albashi
Kun ji cewa Gwamnan Kebbi, Nasir Idris ya amince zai biya ma'aikatan gwamnatin jihar mafi ƙarancin albashin wanda ya fi N70,000.
Mai girma Gwamna Nasir Idris ya amince zai biya ma'aikatan jihar sabon mafi ƙarancin albashi na N75,000 duk wata.
Gwamnan ya rattaɓa hannu kan dokar sabon mafi ƙarancin albashin ne a gidan gwamnati a ranar Laraba, 23 ga watan Oktoban 2024.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
