“An Samu Tsaro a Najeriya”: Ribadu Ya Fadi Bambancin Gwamnatin Tinubu da Buhari
- Gwamnatin Bola Tinubu ta sake bugun kirji kan yadda ta magance matsalar tsaro a Najeriya, idan aka kwatanta da lokacin Muhammadu Buhari
- An ga Nuhu Ribadu, mai ba Tinubu shawara kan harkokin tsaro a wani bidiyo ya na mai cewa Najeriya ta samu tsaro kuma ana zaman lafiya
- Kalaman Ribadu na ci gaba da janyo martani daga ‘yan Najeriya inda wasu ke kalubalantar shi da ya zagaya kasar ba tare da masu kariya ba
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Abuja - Gwamnatin Bola Tinubu ta yi wa tsohuwar gwamnatin Muhammadu Buhari shagube kan tsaro idan aka kwatanta da kokarin gwamnati a yanzu.
A ranar Ahamis, Nuhu Ribadu, mai ba shugaban kasa shawara kan harkokin tsaro, ya yi ikirarin cewa a yanzu Najeriya na da tsaro idan aka kwatanta da lokacin gwamnatin Buhari.
Asali: Twitter
Ribadu ya kuranta gwamnatin Tinubu
A bidiyon da The Cable ta wallafa, an ji Nuhu Ribadu na cewa ofisoshin ‘yan sanda a yankin Kudu maso Gabas sun dawo aiki.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Tsohon 'dan sandna ya ce ‘yan fashi da ‘yan ta’adda a Arewacin kasar sun fara tserewa.
Mai ba shugaban kasar shawara ya kara da cewa ba za a taba cin nasara a hare-haren da ake kai wa gidajen yari domin kubutar da 'yan ta'adda da kuma farmakar jiragen kasa ba.
Wasu 'yan Najeriya sun shiga sashen sharhi na faifan bidiyon domin bayyana ra'ayoyinsu kan kalaman nasa.
Rashin tsaro: An yi wa Nuhu Ribadu martani
A zantawar Legit Hausa da Bashir Khalid Gusau ya ce mai ba shugaban kasar shawara ya fadi hakan ne domin kare muradin ubangidansa amma ba domin yana fadin gaskiya ba.
Bashir Gusau ya ce abin da ya fi dacewa Nuhu Ribadu ya yi shi ne ya kunna 'bidiyon kai tsaye' a shafukansa na sada zumunta, ya tuka mota daga Abuja zuwa Gusau.
Idan har hadimin shugaban kasar ya je Gusau lafiya kuma ya koma Abuja lafiya, Bashir ya ce sai al'umma su gasgata abin da ya fada, amma a yanzu kowa ya san halin da ake ciki.
Abubakar Mohammed Lajawa ya ce babu wata rana da za ta wuce ba tare da 'yan bindiga sun kai wani hari a wani gari a kasar nan ba, wanda hakan alama ce ta Tinubu ya gaza.
Lajawa ya ce lamarin garkuwa da mutane ya yi kamari a kasar, 'yan bindiga na tare mutane a kan tituna, gonaki ko gidajensu domin neman kudin fansa ko su kashe mutum.
Ya roki Nuhu Ribadu da ya kyale 'yan Najeriya su ji da abin da ke damunsu ba wai a siyasantar da tsaro ba ta yadda kasashen duniya ba za su san halin da ake ciki ba.
Kara karanta wannan
'An kai mutumin da ya nemi Tinubu ya sauka daga mulki asibitin masu tabin hankali
'Yan soshiyal midiya sun yiwa Ribadu martani
Dakta D. Udoh ya kalubalanci mai ba shugaban kasar shawara yana mai cewa a X:
"To shikenan, ba matsala. Ba zan yi jayayya da kai ba. Kawai ka tuka kanka a mota daga Abuja zuwa Kaduna ba tare da masu kariya ba, daga nan za ka san halin da ake ciki."
Val Mary yayi sharhi da cewa:
"Ya kamata shugaba ya zama abin koyi. Ka nuna wa 'yan Najeriya yadda ake tafiye-tafiye ba tare da jami'an tsaro masu ba ka kariya ba."
Wani mai amfani da @pdauda ya rubuta cewa:
Ya yarda cewa rashin tsaro ya yi kamari a karkashin Buhari, kuma gaskiya ne, amma kuma karya yake yi kamar yadda ya saba, cewar kasar nan ta samu zaman lafiya a yanzu.
Ba za ku iya tuka mota daga Abuja zuwa Lokoja ba ko kuma Lokoja zuwa Abuja ba tare da fuskantar barazanar masu garkuwa da mutane ba."
Kalli bidiyon a kasa:
Ra'ayin Tinubu kan tsaro a mulkin Buhari
A wani labarin a can baya, mun ruwaito cewa Bola Tinubu ya ce gwamnatin Muhammadu Buhari ta rage ayyukan ta’addanci a Najeriya.
A fahimtar Tinubu, Buhari ya samu nasararori a yaki da 'yan ta'adda a shiyyoyin kasar nan tun daga lokacin da ya karbi mulki a shekarar 2015 zuwa 2023.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
