Kwanaki 4 da Mutuwar Basarake Mai Daraja Ta 1, Masu Neman Sarauta 5 Za Su Fafata
- Masu nadin sarauta a masarautar Ningi sun rubuta wasiku ga masu sha'awar neman kujerar marigayi Sarkin Ningi
- Gwamnatin jihar Bauchi ce ta ba da umarni ga masu nadin sarautar da su fara shirin neman wanda zai gaji marigayin
- Akalla 'ya'yan sarki biyar ake sa ran za su nemi sarautar, daga bisani za a tantance tare da tura sunayen wurin gwamnan
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Bauchi - Kwanaki hudu bayan rasuwar Sarkin Ningi, Yunusa Muhammad Danyaya, an fara zawarcin kujerar sarautar.
Masu nadin sarauta sun tura wasika ga gidaje uku da ke da hurumin neman sarautar Ningi.
Asali: Facebook
Ningi: An aika wasiku zuwa gidajen sarauta 3
Kara karanta wannan
An yi jana'izar surukar Ribadu: Atiku, Ganguje da wasu jiga jigan APC sun halarta
Gidajen sun hada da Gidan Mallam Hamza da Gidan Abubakar Danmaje da kuma Gidan Usman Danayaya, cewar Daily Trust.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A cikin wasikun, ana gayyatar gidajen guda uku domin neman sarautar Ningi idan suna da sha'awa.
Gwamnatin jihar Bauchi ta umarci masu nadin sarautar da su fara shirin zabar sabon sarki da zai jagoranci garin Ningi.
Za a fara karbar takardun masu sha'awar neman sarautar a yau Alhamis 29 ga watan Agustan 2024 da misalin karfe 6.00 na yamma.
Masu nadin sarautar daga bisani za su tantance tare da tura sunayen mutane uku wurin Gwaman Bala Mohammed na jihar Bauchi.
Daga nan ne kuma gwamnan zai yi amfani da ikonsa wurin zabar sabon sarkin daga cikinsu.
Wadanda ake tsammanin su nemi sarautar Ningi
Akalla akwai 'ya'yan masarautar biyar da ake sa ran za su nemi sarautar da suka hada da Alhaji Yusuf Yunusa Danyaya (Danburan Ningi) da Haruna Yunusa Danyaya (Chiroman Ningi).
Sauran sun hada da Alhaji Abdullahi Ibrahim Gurama(Danlawal Ningi) da Alhaji Auwalu Isah (Danmajen Ningi) da kuma Alhaji Zakarai Isa (Santurakin Ningi).
Sanusi II ya yabawa halin marigayi Sarkin Ningi
Kun ji cewa Sarkin Kano, Muhammadu Sanusi II ya yabawa marigayi Sarkin Ningi, Alhaji Yunusa Muhammad Danyaya.
Muhammadu Sanusi II ya ce marigayin na daya daga cikin sarakuna da suka nuna damuwa lokacin da ya shiga matsala a Kano.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
