Bayan Zanga Zanga, Abba Ya Dauko Muhimman Ayyuka 7 Domin Farfaɗo da Kano

• Gwamnatin Kano ta dauki aniyar fara manyan ayyuka da za su laƙume makudan kudi domin kawo cigaban zamani a jihar
• Gwamna Abba Kabir Yusuf ya bayyana cewa ayyukan za su laƙume kudi bar Naira biliyan 2.67 a birnin Kano da ƙauyuka
• Daraktan yada labarai, Sanusi Bature Dawakin-Tofa ne ya fitar da sanarwar bayan gwamnatin Kano ta yi taron majalisar zartarwa

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kano- Gwamnatin Kano ta ware makudan kudi domin yin wasu ayyuka na musamman a fadin jihar.

Gwamnan jihar, Abba Kabir Yusuf ya amince da ware kudi har Naira biliyan 2.67 domin yin ayyukan.

Kara karanta wannan

Kano: Gwamnatin Abba Gida Gida ta amince da fitar da N2.67bn domin manyan ayyuka

Legit ta tattaro jerin ayyukan ne a cikin wani sako da daraktan yada labaran gwamnatin Kano, Sanusi Bature Dawakin-Tofa ya wallafa a Facebook.

Jerin ayyukan da gwamnatin Kano za ta yi

1. Samar da ofisoshi ga ma'aikatar sufuri ta jihar Kano da masu ba Abba Kabir Yusuf shawara domin saukaka yanayin aikin gwamnati.
2. Samar da cibiyar na'ura mai ƙwaƙwalwa da fasahar zamani domin bunkasa ilimi da yaki da jahilci a cikin al'ummar Kano.
3. Gyara ginin Golden Jubilee Monument a babbar gadar Rabi'u Musa Kwankwaso da ke kan hanyar fadar mai martaba Sarkin Kano domin kiyaye tarihin al'adun jihar.
4. Gyara magudanan ruwa da suka lalace a kan hanyar ƙananan hukumomin Shanono zuwa Gwarzo.
5. Gina hanya mai nisan kilomita biyu daga kauyen Riga zuwa Karkari da ke karamar hukumar Gwarzo a jihar.
6. Gina dakin kwanan ɗalibai a jami'ar kimiyya da fasaha ta Aliko Dangote da ke karamar hukumar Wudil a jihar Kano.
7. Samar da manyan motoci guda biyar domin inganta harkar samar da ruwan sha a fadin jihar Kano.

Kara karanta wannan

Zanga zanga: Majalisar matasan Arewa ta yi fatali da neman dauke cibiyar NCC daga Kano

Abba ya kaddamar da titi a Kano

A wani rahoton, kun ji cewa gwamnatin Kano ta kaddamar da ginin titin sama a kan ₦15bn a titin 'Dan Agundi domin rage cunkoson abubuwan hawa a yankin.

Gwamna Abba Kabir Yusuf ne ya kaddamar da titin mai hawa uku domin ganin yadda za a fara gudanar da aikin da kammala shi a kan lokaci.

Muhammad Malumfashi, babban edita a sashen Hausa na Legit ya duba labarin

Asali: Legit.ng