‘Maido Tallafin Fetur’: Ahmad Gumi Ya Fadi Abin da Zai Kawo Karshen Zanga Zanga

• Zanga zangar adawa da tsadar rayuwa ta shiga kwana na shida inda aka rika samun canje canje kan yadda take gudana
• Shahararren malamin addinin Musulunci a Najeriya, Sheikh Ahmad Abubakar Mahmud Gumi ya yi magana kan tallafin fetur
• Legit ta tattauna da wani dan kasuwa, Shuaibu Muhammad domin jin halin da suka shiga bayan zanga zanga da bukatar dawo ta tallafin mai

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kaduna - Shahararren malamin addinin Musulunci a Najeriya Sheikh Ahmad Gumi ya kara magana kan dawo da tallafin man fetur a Najeriya.

Sheikh Ahmad Mahmud Gumi ya yi magana ne kan yadda zanga zangar adawa da tsadar rayuwa ke cigaba a fadin Najeriya.

Kara karanta wannan

Tinubu ya ƙara daukan matakin ragewa talaka raɗaɗin cire tallafin man fetur

Malamin ya ba shugaba Bola Tinubu shawara kan abin da ya kamata ya yi wajen dawo da tallafi a cikin sakon da ya wallafa a Facebook.

Gumi: 'Dawo da tallafin mai ne mafita'

Sheikh Ahmad Abubakar Mahmud Gumi ya wallafa cewa dawo da tallafin mai ne mafita ga halin da ake ciki a Najeriya.

Malamin ya ce mutane a Najeriya sun kudurta cewa ba wani abu da zai kawo musu sauki sai dawo da tallafi saboda haka ya kamata gwamnati ta sauraresu.

Gumi ya fadi matakan dawo da tallafin mai

Sheikh Gumi ya ba shugaba Bola Tinubu shawarar dawo da tallafin man fetur na wucin gadi domin saukaka rayuwa.

Ya ce ya kamata a dawo da tallafi na akalla wata shida kafin tsare tsaren da gwamnati ta ce tana yi su fara aiki.

Kara karanta wannan

"Abin da ya sa Tinubu bai dawo da tallafin mai ba": Minista ga masu zanga zanga

Daukan darasi daga wasu ƙasashe waje

Babban malamin ya ce ya kamata gwamnatin tarayya da duba abubuwan da suka faru a ƙasashen Kenya da Bangladesh domin kaucewa irinsu a Najeriya.

Saboda haka ya buƙaci hukumomin Najeriya da samar da mafita kan halin da ake ciki na tsananin rayuwa da gaggawa domin tsayar da zanga zanga.

Legit ta tattauna da dan kasuwa

Wani dan kasuwa mai suna Shuaibu Muhammad ya ce hakika sun shiga damuwa wajen samun karin kudin kaya bayan zanga zangar da aka yi.

Saboda haka ya ce maganar Sheikh Gumi tana kan daidai matukar ana son kawo dauki ga al'umma a Najeriya kan halin da suke ciki.

Tinubu ya yi magana kan tallafin mai

A wani rahoton, kun ji cewa matasan Najeriya sun fara zanga zangar adawa da tsadar rayuwa a ranar 1 ga watan Agusta a jihohin ƙasar nan.

Gwamnatin tarayya ta yanke matsaya kan maganar dawo da tallafin man fetur da matasan ke buƙata shugaba Bola Tinubu ya yi.

Asali: Legit.ng