“Ba Lagos a Ciki”: Diyar Tinubu Ta Yi Magana Kan Zanga Zanga, Ta Shawarci Iyaye

• Yayin da ake shirin fita zanga-zanga a Najeriya, diyar Shugaba Bola Tinubu ta yi magana kan shirin da matasa ke yi a kasar
• Folashade Tinubu ta ce su a jihar Lagos ba za su fito zanga-zanga ba inda ta ba iyaye shawara game da gargadin 'ya'yansu
• Folashade ta bayyana irin matsalolin da aka samu lokacin zanga-zangar EndSARS da aka yi inda ta ce an samu asarar dukiyoyi

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Lagos - 'Yar Shugaba Bola Tinubu, Folashade Tinubu ta yi magana kan shirin zanga-zangar matasa a Najeriya.

Folashade ta tabbaatar da cewa babu wata zanga-zanga da za a yi a jihar Lagos a ranar 1 ga watan Agustan 2024.

Kara karanta wannan

Ta faru ta kare: Manyan Arewa sun hakura da shiga zanga zanga, sun ba matasa shawara

Zanga-zanga: Diyar Tinubu ta gargadi iyaye

'Yar shugaban ta bayyana haka yayin da take jawabi ga 'yan kasuwa inda ta ce akwai rashin adalci daga jama'a, cewar Daily Trust.

Ta ce gwamnatin da ba ta yi ko shekara uku ba bai kamata a caccake ta ba saboda tana bukatar lokaci a ga kamun ludayinta.

Har ila yau, ta bukaci iyaye da su gargadi 'ya'yansu daga fita zanga-zangar da za a fara a ranar 1 ga watan Agustan 2024, Punch ta tattaro.

Folashade ta ce babu zanga-zanga a Lagos

"Kafin kuce gwamnatin ba ta tsinana komai ba, ya kamata ku ba ta dama ta yi akalla shekaru uku a kan mulki."

"Mu fadawa 'ya'yanmu da 'yan uwanmu cewa babu zanga-zanga a Lagos, ku tuna wanda suka yi a baya yadda aka lalata mana dukiyoyi."

"Bai kamata ku bar 'ya'yanku wasu su yi amfani da su ba wurin ba su kudi domin su lalata dukiyoyin jama'a da fadace-fadace."

Kara karanta wannan

"Tinubu yana taya ku zanga zangar": Gwamnati ta lissafo shirin shugaban ga matasa

- Folashade Tinubu

Legit Hausa ta ji ta bakin wani a Lagos

Wani matashi a jihar Lagos, Ajayi Joseph ya fadawa Legit Hausa ra'ayinsa kan maganar Folashade Tinubu.

Ajayi ya ce Folashade ta fadi ra'ayinta ne amma maganarta ba zai yi tasiri a wurin matasa ba saboda halin da ake ciki.

Ya bukaci gwamnati ta yi gaggawar daukar mataki duk da yanzu za a iya cewa lokaci ya kure amma dai an tafka kuskure tun farko.

Wike ya roki al'umma karin hakuri

A wani labarin, kun ji cewa Ministan Abuja, Nyesom Wike ya yi magana kan zanga-zanga da ake shirin fita a Najeriya.

Wike ya bukaci matasa da sauran 'yan kasa da su ba Bola Tinubu karin lokaci tare da uzuri domin kawo karshen matsalolin.

Asali: Legit.ng