Auren Jinsi: Majalisar Wakilai Ta Gargadi Tinubu Kan Aiwatar da Yarjejeniyar Samoa
- Majalisar wakilai ta bukaci gwamnatin tarayya da ta dakatar da aiwatar da yarjejeniyar Samoa da aka sanya wa hannu a kwanan baya
- Majalisar ta ce za ta gudanar da bincike mai zurfi kan yarjejeniyar domin tabbatar da cewa babu wata sadara da ta sabawa dokar kasar
- Bulaliyar masara rinjaye na majalisar, Hon. Sani Madaki da 'yan majalisu 87 ne suka gabatar da wani kuduri kan lamarin gaban majalisar
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Abuja - Majalisar wakilai ta bukaci gwamnatin tarayya da ta dakatar da aiwatar da yarjejeniyar Samoa.
Majalisar ta kuma yanke shawarar bincikar yarjejeniyar Samoa da gwamnatin tarayya ta sanya wa hannu a ranar 28 ga watan Yuni.
Asali: Facebook
Majalisar wakilai ta magantu kan Samoa
Jaridar Vanguard ta ruwaito cewa majalisar ta dauki wannan matakin ne a zamanta na ranar Talata, inda aka tattauna kan wasu batutuwan da ake zargin sun saba doka a yarjejeniyar.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Bulaliyar masara rinjaye na majalisar, Hon. Sani Madaki da 'yan majalisu 87 ne suka gabatar da wani kudurin gaggawa na muhimmanci ga jama'a kan lamarin.
Hon Madaki, a cikin muhawarar da ya jagoranta, ya ce yarjejeniyar Samoa da Najeriya ta shiga na kare 'yancin 'yan LGBT, wanda ya sabawa wasu dokoki a kasar.
Majalisar wakilai ta ki amincewa da Samoa
Da yake goyon bayan wannan kudirin, Hon. Ghali Tijani daga Kano, ya ce ya kamata majalisar ta yi watsi da yarjejeniyar Samoa gaba daya, inji rahoton The Cable.
Hon. Bello Kumo, bulaliyar masu rinjaye yace ya kamata gwamnatin tarayya ta janye rattaba hannu kan yarjejeniyar tare da neman afuwar ‘yan Najeriya.
Hon. Kingsley Chinda, shugaban marasa rinjaye wanda kuma yana daga masu gabatar da kudirin, ya ce manufar kudurin shi ne ba majalisar damar gudanar da bincike mai zurfi.
Mecece yarjejeniyar Samoa?
Tun da fari, mun ruwaito cewa Majalisar Tarayyar Turai (EC), ta ce yarjejeniyar Samoa wani babban tsarin dangantaka ne tsakanin Tarayyar Turai da kasashen Afirka, Caribbean, da Pasifik.
Yarjejeniyar ta shafi fannoni shida da suka hada da dimokuradiyya da kare hakkin dan Adam, bunkasa tattalin arziki, bunkasa al'umma, zaman lafiya da tsaro da kuma 'yancin tafiye-tafiye.
Rattaba hannu kan yarjejeniyar Samoa ya haifar da cece kucen cewa Tarayyar Turai na neman tursasa kasashe masu tasowa su goyi bayan kare 'yancin masu auren jinsi.
Asali: Legit.ng
