Rayuka da Dama Sun Salwanta Bayan Wani Bam Ya Fashe a Jihar Arewa
- An shiga jimami a jihar Taraba bayan wani abin fashewa da ake zargin bam ke ya salwantar da rayukan mutum huɗu
- Wasu mutane da dama kuma sun samu raunuka bayan tashin bam ɗin a wani gida daga ƙauyen Gaita a jihar
- Hakan na zuwa ne bayan an yi rikicin ƙabilanci a yankin wanda aka yi amfani da muggan makamai
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Taraba - Fashewar wani abu da ake zargin bam ne a cikin wani gida a jihar Taraba ya yi sanadiyyar mutuwar mutum huɗu.
Jaridar Daily Trust ta kawo rahoto cewa lamarin ya auku ne a ƙauyen Gaita da ke ƙaramar hukumar Karim-Lamido ta jihar Taraba.
Asali: Twitter
Majiyoyi sun bayyana cewa fashewar ta kuma ta yi sanadiyyar jikkata mutane da dama ciki har da wani tsoho.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Yadda lamarin ya auku
Lamarin ya auku ne da misalin ƙarfe 3:00 na yammacin ranar Juma'a, 29 ga watan Maris 2024.
Wani mazaunin garin mai suna Musa ya ce mazauna ƙauyen sun ji wata ƙara daga wani gida a ƙauyen.
Ya ce mutanen ƙauyen sun gano cewa fashewar ta haifar da wani rami mai zurfi a cikin gidan inda wasu mutane huɗu da ake kyautata zaton ƴan gida ɗaya ne suka mutu tare da jikkata wasu da dama.
Wani majiya a ƙauyen da ya so a sakaya sunansa, ya ce yankin ya fuskanci rikicin ƙabilanci wanda ya kai ga kashe mutane da dama, kuma ana zargin an yi amfani da makamai daban-daban da suka haɗa da bama-bamai a lokacin rikicin.
Ba a samun damar jin ta bakin jami’in hulɗa da jama’a na rundunar ƴan sandan jihar Taraba ba, SP Usman Abdullahi, saboda yana kwance a asibiti a Jalingo.
An sace fasinjoji a Taraba
A wani labarin kuma, kun ji cewa fasinjoji da dama sun ɓace a wani harin da ƴan bindiga suka kai musu a jihar Taraba.
Fasinjojin waɗanda sun kai mutum 15 ciki har da mata da ƙananan yara an farmaki motarsu ne bayan ta taso daga jihar Benuwai.
Asali: Legit.ng
