Da Gaske Ne Aisha Buhari Ta Ce Tsohon Shugaban Kasa Buhari Ya Rasu a 2017? Ga Gaskiya

• An yada jita-jita da yawa a kafafen sada zumunta cewa, tsohon shugaban kasa Muhammadu Buhari ya rasu a 2017
• Buhari ne shugaban kasa na 15 kuma wanda ya mulki Najeriya a tsakanin shekarun 2015 zuwa 2023 kafin Tinubu
• An binciko gaskiyar lamari game da jita-jitan da ke yawo cewa matar Buhari ta alanta mutuwarsa a wancan lokacin

Salisu Ibrahim ne babban editan sashen Hausa na Legit. Kwararren marubucin fasaha, harkar kudi da al'amuran yau da kullum ne, yana da gogewar aikin jarida da rubuce-rubucen adabi sama da shekaru takwas

Daura, jihar Katsina - Jita-jita ta yada gari, musamman a kafafen sada zumunta cewa, Aisha Buhari ta ce mijinta tsohon shugaban kasa Buhari ya rasu a 2017.

Jita-jitar ta kuma yi bayanin cewa, ai mutumin da ake gani bayan 2017 a matsayin Buhari ba shi bane, wani daban ne da ke kwaikwayarsa.

Kara karanta wannan

Yadda za a bi a maido Dalar Amurka N160 daga N1600 Inji Masanin tattalin arziki

Jita-jitar dai ta fito ne daga mujallar Igbo Times, inda ta ce Aisha ta amsa cewa, mijinta ya rasu a 2017 a birnin Landan.

Yadda batun faro a shekarun baya

Mujallar ta naqalto Aisha na cewa, wani dan kasar Sudan aka dauko domin maye gurbin Buhari, wanda kuma aka yi sa'an suna kama ta fuska da dabi'a.

A cewar mujallar, Aisha ce tace:

"Mijina Buhar ya rasu a 2017 a kasar Burtaniya kafin daga bisani wani mutumin Sudan da aka biya ya fara kwaikwayarsa kuma ya fara dabi'u irin na marigayin mijina."

An bankado gaskiya, Buhari bai mutu ba

Legit a tun farko ta rahoto yadda kafafen sada zumunta suka cika da karairayin yadda wani wani dan Sudan mai suna Jubril ya maye gurbin Buhari.

A binciken da AFP Fact Check ta yi, jita-jitar ta fara ne tun 2017 kuma ta yadu a kafafen Facebook, Twitter da ma kafar YouTube.

'Yan awaren Biafra ne suka fara yayata labarin kasacewar a tun farko sukan bayyana kiyayya ga tsohon shugaban kasar.

Kara karanta wannan

Shugaba Tinubu ya jero mutanen da suka koma yaƙarsa saboda matakan da ya ɗauka a Najeriya

Labari ne na karya, bincike ya tabbatar

A wani rahoton da aka buga a ranar Juma'a 23 ga watan Faburairu, Africa Check ta bayyana cewa, rahotannin mutuwar Buhari a 2019 da 2020 duk karya ne.

Africa Check ta ce:

"Babu wata hujja da ke nuna cewa Buhari ya mutu a lokacin da yake mulki kuma wai har an maye gurbinsa da mai kama dashi.

"Duba da mummunan yaduwar da jita-jitar ta yi, da matar tsohon shugaban kasar za ta fito ta yi bayanin mutuwar mijinta a 2017 a kafafen sada zumunta na gida da na waje.

"Sai dai, babu wata kafa ta gida ko ta kasa da kasa da ta taba rahoto bayaninta.

"Batun dai ya yadu ne a kafafen sada zumunta a 2017. Har yanzu yana ci gaba da yaduwa a 2024."

Femi Adesina ya karya 'yan Biafra

A tun farko, mai magana da yawun Buhari, Femi Adesina ya taba karyata wannan batu da ake cewa Buhari ya mutu.

Kara karanta wannan

Buga takardun bogi: Kotu ta dauki mataki kan tsohon shugaban bankin NIRSAL, Abdulhameed

Ya bayyana cewa, hankali ma ba zai dauka ba ace shugaban kasa guda ya mutu har a maye gurbinsa da na bogi.

A wancan lokacin, mutane da yawa sun yi imani da cewa, da gaske shugaban kasar ya kwanta dama.

Asali: Legit.ng