Wace Ƙasa Ya Fi Arha? Jerin Farashin Litar Man Fetur a Najeriya da Wasu Ƙasashen Afirka

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Matsakaicin farashin man fetur a duniya shi ne Dalar Amurka 1.31 watau kwatankwacin Naira 2,000 kenan a kuɗin Najeriya kan kowace lita ɗaya.

Kamar yadda The Nation da tattaro a wani rahoto ranar Alhamis, 29 ga watan Fabrairu, akan samu banbancin farashin man fetur a wasu ƙasashen.

Farashin yana banbanta ne a ƙasahe saboda dalililai da dama kama daga yadda wasu gwamnatocin ƙasashen ka ware tallafi na musamman a kan fetur domin sauƙaƙawa al'umma.

A nahiyar Afirka, ƙasar Mali tana siyar da man fetur N2,266 kan kowace lita ɗaya yayin a nan gida Najeriya ake siyar da lita ɗaya kan N668.

Kara karanta wannan

Binance: Tsohon dan takarar shugaban kasa ya goyi bayan matakin da Shugaba Tinubu ya dauka

A kan samu irin wannan banbancin farashin ne saboda yanayin harajin ƙasashe da kuma wataƙila tallafin da ake ware wa man fetur.

Kowace ƙasa a duniya tana samun damar siyan fetur a farashi iri ɗaya na kasuwar duniya amma kuma a kan sanya haraji kala daban-daban.

Sakamakon haka ne ake samun banbanci a farashin litar fetur tsakanin ƙasashe kamar yadda kuka gani a ƙasar Mali da kuma Najeriya.

Legit Hausa ta tattaro muku farashin fetur a wasu ƙasashen Afirka a Naira da kuma dalar Amurka.

Jerin farashin litar man fetur a Naira

1. Mali: ₦2,266

2. Ivory Coast: ₦2,289

3. Kamaru: ₦2,196

4. Togo: ₦1,832

5. Benin: ₦1,779

6. Ghana: ₦1,594

7. Najeriya: ₦668

Farashin litar fetur a waɗannan ƙasashe a Dalar Amurka

1. Mali: $1.435

2. Ivory Coast: $1.450

3. Kamaru: $1.391

4 Togo: $1.160

5 Benin: $1.127

6. Ghana: $1.009

7. Najeriya: $0.423

Idna baku manta ba, Shugaban Ƙasa, Bola Ahmed Tinubu, ya tuge tallafin man fetur a ranar da aka rantsar da shi a watan Mayu, 2023.

Kara karanta wannan

Akwai matsala: An yi hasashen Dala za ta kai N4000 kafin karshen 2024, an fadi dlalili

An ƙi karban muƙami a gwamnatin Tinubu

A wani rahoton na daban wanda shugaban ƙasa, Bola Tinubu ya naɗa a matsayin darakta a babban bankin Najeriya CBN ya ƙi karɓan mukamin.

Sanata Orji Kalu ne ya bayyana haka yayin tantance waɗanda aka naɗa a zauren majalisar dattawa ranar Alhamis, 29 ga watan Fabrairu.

Asali: Legit.ng