“Shi ne Sila”: Budurwa Ta Caccaki Mahaifinta Kan Ya Sake Aure Watanni 3 Bayan Mutuwar Mahaifiyarta

• Wata fusatacciyar matashiyar budurwa ta garzaya soshiyal midiya don zargin mahaifinta da hannu a mutuwar mahaifiyarta
• A cewarta, mahaifinta ya sake aure watanni uku bayan rasuwar mahaifiyarta sannan ya fatattaki kaninta daga gida
• Matashiyar, wacce har yanzu take alhinin mutuwar mahaifiyarta, ta bayyana cewa ta gwammaci tafiya kurkuku da ace ta yafewa mahaifin nata

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Wata matashiya 'yar Najeriya ta haddasa cece-kuce a soshiyal midiya yayin da ta zargi mahaifinta da zama silar mutuwar mahaifiyarta.

A wani bidiyon TikTok, @kopona111 ta bayyana cewa ta gwammaci 'kare rayuwarta a kurkuku maimakon yafewa mahaifinta.

@kopona111 ta saki hotunan mahaifinta yayin da ta bayyana cewa ya sake aure watanni uku bayan mutuwar mahaifiyarta.

Kara karanta wannan

Yadda malamin jami'a ya nemi auren daliba a cikin aji a ranar masoya, bidiyon ya yadu

Ta kara da cewar ya fatattaki kaninta daga gidan mahaifiyarsu sannan ya tare da sabuwar matarsa. @kopona111 ta rubuta:

"Mahaifiyata ita ce sarauniyata kuma lokacin da ta mutu mahaifina ya sake aure cikin watanni 3 sannan ya kori kanina daga gidan mahaifiyata sannan ya tare da sabuwar matarsa kuma duk shi ne silar mutuwar mahaifiyata."

Jama'a sun yi martani

that very PH Girl ta ce:

"Mahaifinki da mahaifina tagwaye ne, ba zan taba yafe masa koda a cikin kabarinsa, wannan mutumin ya nuna mana mugunta ni da 'yan uwana."

Lucius ta ce:

"Ban samu soyayyar uwa ko na uba ba...bana ganin kimar tsoffin mutane kuma...suna amfani da tsufarsu wajen razana matasa."

ezeigbokelechi ta ce:

"Labari iri guda muke da shi amma Allah zai yi mana yaki."

fyrretuioooyy ta ce:

"Allah ya kwashewa mutumin, ba zai ga gobe ba ku tayani cewa amin."

Kara karanta wannan

Wata sabuwa: Amarya ta hallaka mijinta a jihar Neja

BECKY TV ta ce:

"Mahaifiyarku ce ta haddasa komai, menene dalilin da yasa bata sanya sunanta kan takardunta ba."

Malami ya nemi auren dalibarsa a aji

A wani labarin, mun ji cewa Anucha Wisdom, wani malami a jami'ar jihar Abia (ABSU), ya nemi auren wata daliba a cikin aji a ranar masoya.

Malamin ya tsuma zuciyar matashiyar yayin da ya durkusa a gabanta dauke da zobe a hannunsa inda sauran dalibai suk dungi karfafa mata gwiwa.

Asali: Legit.ng