Innalillahi: Tsohon Atoni-janar a Jihar Arewa Ya Riga Mu Gidan Gaskiya da Shekaru 81

• Gwamna AbduRahman AbdulRazaq na jihar Kwara ya kadu da rasuwar tsohon Atoni-janar a jihar
• A jiya Lahadi 7 ga watan Janairu Allah ya karbi rayuwar Alhaji Alarape Salman ya na da shekaru 81 a duniya
• Wannan na kunshe ne a cikin wata sanarwa da sakataren yada labaransa, Rafiu Ajakayeya fitar a jiya Lahadi 7 ga watan Janairu

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Kwara - Tsohon Atoni-janar na farko a jihar Kwara, Alhaji Alarape Salman ya riga mu gidan gaskiya.

Marigayin ya rasu ne a jiya Lahadi 7 ga watan Janairu a birnin Ilorin da ke jihar ya na da shekaru 81 a duniya, cewar Punch.

Kara karanta wannan

Don burge Bankin Duniya: An tona asirin dalilin Tinubu na kara farashin mai da wutar lantarki

Mene gwamnan Kwara ke cewa kan rasuwar?

Gwamna AbduRahman AbdulRazaq ya nuna alhininsa kan rasuwar inda ya ce tabbas an tafka babban rashi, cewar News Now.

Wannan na kunshe ne a cikin wata sanarwa da sakataren yada labaransa, Rafiu Ajakayeya fitar a jiya Lahadi 7 ga watan Janairu a Ilorin.

Gwamnan ya bayyana irin gudunmawar da marigayin ya bayar a lokacin da ya ke rike da mukamin kwamishinan Shari'a.

Ya ce irin gudunmawar da Salman ya bayar ba za ta misaltu ba a jihar da ma kasar baki daya, The Metro Lawyer ta tattaro.

Wace gudunmawa marigayin ya bayar a jihar?

AbdulRazaq ya tura sakon jaje ga Sarkin Ilorin, Dakta Ibrahim Sulu-Gambari da kuma Kungiyar Lauyoyin Najeriya (NBA) kan wannan babban rashi.

Sanarwar ta ce:

"Ina jajantawa Sarkin Ilorin, Dakta Ibrahim Sulu-Gambari da masarautar Ilorin da kuma Kungiyar Lauyoyin Najeriya (NBA) kan wannan rashi.

Kara karanta wannan

Tashin hankali bayan tirela ta murkushe sabon dan sanda a bakin aiki a jihar Arewa, bayanai sun fito

"Tabbas marigayin ya ba da gudunmawa sosai ga Ilorin da kuma jihar da ma bangaren shari'a a kasar."

Ambassada Anka ya riga mu gidan gaskiya

A wani labarin, Fitaccen dan siyasa a Najeriya, Ambasada M. Z Anka ya riga mu gidan gaskiya a jihar Sokoto.

Marigayin wanda asali dan jihar Zamfara ne ya rasu bayan fama da jinya na tsawon lokaci.

Anka shi ne mahaifi ga kwamishinan harkokin lafiya a jihar Zamfara, Dakta Aisha M. Z Anka.

Asali: Legit.ng