Shekarar 2023 Ta Zo Mana da Manyan Kalubale, Abba Kabir, Kwankwaso Sun Magantu Kan Shekarar 2024

• Gwamna Abba Kabir na jihar Kano ya taya al’ummar jihar Kano murnar shiga sabuwar shekarar 2024
• Har ila yau, Sanata Rabiu Kwankwaso shi ma ya taya ‘yan Najeriya murnar shiga sabuwar shekarar a yau Litinin
• Wanna na kunshe ne a cikin sanarwa da suka wallafa a shafukansu na X a yau Litinin 1 ga watan Janairu

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Kano – Gwamna Abba Kabir da mai gidansa Rabiu Kwankwaso sun yi martani kan shiga sabuwar shekarar 2024.

Wanna na kunshe ne a cikin sanarwa da suka wallafa a shafukansu na X a yau Litinin 1 ga watan Janairu.

Mene Abba Kabir, Kwankwaso suka ce?

Kara karanta wannan

Dalilin daukar kudin kananan hukumomi 44 domin gina gadoji a birni Inji Abba Gida Gida

A martaninshi, Gwamna Abba Kabir ya taya dukkan jama’ar jihar Kano murnar shiga sabuwar shekarar lafiya.

Abba ya ce ya na da tabbacin cewa sabuwar shekarar da za a shiga za ta zamo shekarar samun ci gaba ga jihar Kano.

Ya ce gwamnatinsa ta himmatu wurin tabbatr da bukatun al’umma sun samu kulawa don samar da ci gaba a jihar.

Ya ce:

“Ina taya al’ummar jihar Kano murnar wannan rana, ina da tabbacin sabuwar shekarar za ta kawo ci gaban da ba a taba gani ba ga al’ummar jihar.

“Gwamnatina za ta ci gaba da kula da bukatun al’umma don samar da ci gaba a bangarori da dama a jihar.”

Wane addu'a suka yi?

Sanata Kwankwaso a bangarenshi ya bayyana jin dadinsa tare da gaisuwa ga ‘yan Najeriya kan bikin sabuwar shekara.

Kara karanta wannan

2024: Kwanaki 2 da mutuwar gwamna, Lucky ya manta da shi ya ziyarci Tinubu kan wani babban dalili

Ya ce tabbas an samu matsaloli da dama a shekarar da ta gabata inda ya ce sabuwar shekarar za ta zo da ci gaba.

Ya ce:

“Ina cikin farin ciki da tura gaisuwa ga ‘yan Najeriya gida da waje kan murnar shiga sabuwar shekara.

“Tabbas shekarar da ta wuce an samu matsaloli a kasar baki daya, kuma ina fatan sabuwar shekarar za ta zo da zaman lafiya da kwanciyar hankali.”

Abba Kabir, Kwankwaso sun jajanta mutuwar Na’Abba

A wani labarin, Gwamna Abba Kabir na jihar Kano da Sanata Rabiu Kwankwaso sun nuna damuwa kan rasuwar Ghali Umar Na’Abba.

Sun bayyana hakan ne a shafinsu na X inda suka bayyana cewa tabbas jihar Kano da Najeriya sun yi babban rashi.

Asali: Legit.ng