Yan Sanda Sun Cafke Matar da Ta Watsa Wa Mijinta Ruwan Zafi Kan Dalilin 1 Tak, Bayani Sun Fito

• Wata mata ta shiga hannun ‘yan sanda bayan an zarge ta da watsa wa mijinta tafasasshen ruwan zafi a jikinsa a jihar Legas
• Wacce ake zargin, Dorcas Oluwabukola ta watsa wa mijin nata ne ruwan zafin a ranar 18 ga watan Disamba a jihar
• Kakakin rundunar ‘yan sanda a jihar, Benjamin Hundeyin ya tabbatar da faruwar lamarin a yau Litinin 25 ga watan Disamba

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Legas – Rundunar ‘yan sanda a jihar Legas ta kama wata mata da zargin watsa wa mijinta ruwan zafi a jihar.

Wacce ake zargin, Dorcas Oluwabukola ta watsa wa mijin nata ruwan zafin ne a ranar 18 ga watan Disamba a jihar, cewar TheCable.

Kara karanta wannan

Ana tsaka da shirin Kirsimeti, 'yan bindiga sun sheke gomman mutane a jihar Filato

Mene ake zargin matar da aikatawa?

Kakakin rundunar ‘yan sanda a jihar, Benjamin Hundeyin ya tabbatar da faruwar lamarin a yau Litinin 25 ga watan Disamba.

Hundeyin ya ce matar da ake zargi ta tafasa ruwan zafi tare da watsa wa mijin nata don ya ki daukarta zuwa bikin abokinshi.

Ya ce an kama matar ce bayan an samu rahoton daga ofishin ‘yan sanda na Meiran da ke birnin a ranar da abin ya faru, cewar Radio Nigeria.

Mene dalilin matar na watsa wa mijin ruwan zafi?

Ma’auratan sun shirya zuwa auren ne a tare kafin daga bisani mijin ya fasa zuwa da matar inda ya yanke shawarar zuwa shi kadai.

Wannan matakin da ya dauka shi ya jawo matsala a tsakaninsu inda har matar ta tafasa ruwan zafi tare da watsa masa a jiki.

Kara karanta wannan

“Na kashe shi ne saboda ya hana ni kashe kaina”: Matar da ake zargi da kashe abokin mijinta a Kano

Benjamin ya ce tuni rundunar ta fara bincike don gano bakin zaren inda ya ce a yanzu haka mijin na karbar kulawa a asibiti.

Jarumar fina-finai ta tsallake rijiya ta baya

A wani labarin, Fitacciyar jarumar fina-finan Nollywood, Mercy Aigbe ta tsallake rijiya ta baya a kan hanyar zuwa Legas.

Jarumar ta gamu da tsautsayin hatsarin mota ce wanda ya faru bayan ta taso daga Benin ta jihar Edo zuwa Legas.

Mercy ta bayyana irin tashin hankalin da ta shiga bayan faruwar lamarin inda ta ce wannan shi ne karon farko da ta ga masifa.

Asali: Legit.ng