“Ina Kashewa Motata N1.4m Duk Wata, N324k Kan Inshora”: Matashi da ke Tuka Tsadaddiyar Mota

• Wani matashi da ya mallaki tsadaddiyar motar Benz C Class Coupe ya bayyana cewa yana kashe makudan kudade duk wata
• Baya ga kashe £160 kan man fetur, yana biyan abubuwa kamar su inshorar titi da mota da ke jan kaso mai yawa daga albashinsa
• Yan TikTok da dama da suka ga bidiyon sun bayyana cewa da zai fi kyau idan mutumin ya zuba jari a wasu wuraren

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Wani matashi da ke aiki mai kyau a Turai ya bayyana abun da yake kashewa wajen kula da tsadaddiyar motarsa wanda ya hada da inshora.

Baya ga £3,000 (N4,428,375) da ya fara ajiyewa na motar Mercedes Benz C Class Coupe, yana biyan £300 (N442,837) duk wata da £220 (N324,747.5) na inshora. Harajin hanya £50 (N73,806.25) a wata.

Kara karanta wannan

"Za a yi bikin kirsimeti mai matukar hatsari", malamin addini ya yi hasashe kan Disamba

Kudin da ake kashewa kan insorar mota a Birtaniya

Shi (@cksgallery) ya kashe £160 (N236,180) kan man fetur. Mutumin ya bayyana cewa baya ga uwar kudin, ya kashe kudi kan abubuwa kamar birki da tayoyinsa.

Matashin ya bayyana cewa ya zama dole ya ajiye tsakanin £900 (N1,328,512.5) da £950 (1,420,318) a wata don kula da motarsa. Ya shawarci matasa a kan kada su yi gaggawan shiga rayuwar tuka mota domin yana da matukar tsada.

Kalli bidiyon a kasa:

Jama'a sun yi martani

Lenasx ta ce:

"Kuma duk da an burge mutane ne."

W.G ya ce:

"Bai kamata kudin harajin hanyarka ya yi yawa ba."

kurt6221 ya ce:

"Diesel amma ka ce 180 kan man fetur, kuskure."

S ya ce:

"Yana da matukar sauki siyan mota amma idan aka zo maganar kula da itya aljihunka zai sha kashi."

Kara karanta wannan

Yadda mutumin da ke aikin wanke bandaki a turai ya siya gida daga albashinsa, bidiyon ya yadu

Sunny b ya ce:

"Na mallaki motar c class coupe kuma harajin hanyata £20ne a shakara dan uwa."

TKP ya ce:

"Dan uwa nima ta kasance da ni, ina son motar, duba ga lissafin kana kashe makudan kudade kan motar nan. zan siyar na zuba kudin a wani mai arha sannan in tara.

Farfesa ya kama aikin walda

A wani labari na daban, wani farfesan jami'ar Najeriya, Kabir Ahmed Abu-Bilal, ya dauka hankali bayan ta bayyana cewa aikin walda yake yi.

Farfesan mazaunin Kaduna ya ce abun da yake samu daga shagonsa a wata ya ninka albashinsa na wata a matsayin farfesa, yana mai cewa wannan na daya daga cikin dadin da ke tattare da aikin hannu.

Asali: Legit.ng