Tsohon Mataimakin Shugaban Kasa Yemi Osinbajo da Matarsa Sun Yi Bikin Cika Shekaru 34 da Aure

• Tsohon mataimakin shugaban kasar Najeriya, Farfesa Yemi Osinbajo da matarsa suna bikin cika shekaru 34 da aure
• Domin tunawa da inda suka kai a rayuwa, Osinbajo ya wallafa wasu bidiyo da hotuna masu kayatarwa don godewa matarsa da nuna soyayyarsa a gareta
• Osinbajo ya tunatar da duniya muhimmanci da matsayin kyakkyawar matarsa yayin da ya bata tabbacin samun karin shekaru masu inganci a gaba

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Tsohon mataimakin shugaban kasar Najeriya, Yemi Osinbajo da matarsa, Dolapo, suna murnar cika shekaru 34 da aure.

Farfesa Osinbajo ya wallafa wani bidiyo a Instagram a ranar Asabar, 25 ga watan Nuwamba, inda ya kokawa matarsa cewa ya fara rasa karfinsa.

Kara karanta wannan

Shugaba Tinubu ya shiga tsakani yayin da yan majalisa suka fara shirin tsige gwamnan APC

A wasu jerin hotuna kuma, an gano shi sanye da wasu takalma dauke da taken "Dolly", sunan da ake kiran matarsa da shi rubuce a kansu; yayin da matar kuma ta sanya wanda aka rubuta "Prof".

A taken wallafarsa, Osinbajo ya taya matarsa murnar zagayowar ranar aurensu yayin da suka murnar shafe shekaru da dama tare a matsayin mata da miji.

"Zuwa ga Dolly,

"Aba ta mai kyau da ni'ima ta musamman daga wurin Ubangiji: yau mun shafe shekaru 34 masu ban mamaki, ina tayaki murnar zagayowar wannan rana @dolapoosinbajo !!!!"

Ga wallafarsa a kasa:

Jama'a sun taya Osinajo murna

balo_ng:

"Matarka masoyiyarka macece mai hankali. Kun yi kyau da juna, daya daga cikin ma'aurata mafi kyawu da za ka gani ko'ina a duniya. Karin shekaru masu yawa a tare."

Kara karanta wannan

Yadda faston da ke sayar da tikitin shiga aljanna ya gusar da hankulan yayanmu, ya raba mu

flakes_ff:

"Awwww ban taba ganin wannan bangare naka na raha ba yallabai, shakuwarku mai ban mamaki abun son kallo ne ga kowa. Ya Ubangiji ka ci gaba da kebance wannan shakuwa cikin soyayyarka. Na taya ku murnar zagowar wannan rana Yallabai da yallabiya."

vanessa_kelechi:

"Barka da zagayowar wannan rana: Allah ya sa labarin aurenku ya ci gaba da karfafawa mutane masu gaskiya gwiwa don samun gidan aure na Allah. Allah ya lullube gidanku.

Duk namijin da ya sameni ya caba, Budurwa

A wani labarin, wata kyakkyawar budurwa wacce ke da hannu daya ta yada wani bidiyo a TikTok inda ta ce komai ya ji a jikinta.

A cikin bidiyon, matashiyar mai suna Maryann Officiall, ta zage tana kwasar rawa a cikin wani daki tana mai baje kolin dirarren surar jikinta mai matukar kyau.

Asali: Legit.ng