Sarkin Musumai Ya Maida Martani Ga Masu Cece-Kuce da Sukar Gayyato Zakir Naik Zuwa Najeriya

• Sarkin Musulmai ya maida martani ga masu sukar ziyarar da Dakta Zakir Naik ya kawo Najeriya tare da ɗansa
• Alhaji Sa'ad Abubakar III ya ce Musulmai na da damar da zasu gayyato ɗan uwansu Musulmi domin wata muhadara
• Shahararren Malamin wanda duniya ta san da zamansa ya halarci makon Sheikh Usman Ɗan Fodiyo na 10 a jihar Sakkwato

Ahmad Yusuf, gogaggen Edita ne a Legit Hausa da ya shafe tsawon shekaru yana kawo muku rahotannin siyasa da al'amuran yau da kullum

Sokoto - Mai Alfarma Sarkin Musulmin Najeriya, Alhaji Muhammadu Sa’ad Abubakar, ranar Alhamis ya ce Musulmi na da hakkin gayyato dan uwansu Musulmi domin wata mu'amala.

Sultan ya gayyaci fitaccen malamin addinin Musuluncin nan da duniya ta sani, Dakta Zakir Naik, domin ya halarci makon Sheikh Usman Ɗan Fodiyo karo na 10 da aka ƙarƙare ranar Alhamis.

Kara karanta wannan

Babbar nasara: Luguden wutar sojojin Najeriya ya halaka ƴan ta'adda sama da 160 a jihohin arewa 2

Sai dai zuwan Zakir Naik Najeriya bisa gayyatar sarkin Musulmai ya haddasa cece kuce da suka daga ɓangarori daban-daban, kamar yadda Daily Trust ta ruwaito.

Sultan ya maida martani

Da yake maida martani ga masu sukar gayyatar Dokta Zakir Naik, Sarkin Musulmi ya ce:

"Musulunci guda ɗaya ne duk inda kaje a duniya, a matsayin Musulmai muna da dama da haƙƙin gayyato ɗan uwanmu Musulmi ya mana nasiha. Na haɗu da Zakir Naik shekaru 11 da suka gabata."

"Jihar Sakwato na farin ciki da zuwanka, mu musulmai ne kuma muna alfahari da kasancewar mu Musulmai, addini muke wa aiki ba wani mutum ba."

"Allah ya halicce mu a matsayin musulmi kuma babu wanda ya isa ya canza hakan. Muna ƙara godiya ga Allah Madaukakin Sarki da ya yo mu Musulmi”

Sultan ya yi wannan martani ne yayin da yake jawabin rufe taro wanda ya gudana a cibiyar taro ta ƙasa da ƙasa da ke cikin birnin Sakkwato.

Kara karanta wannan

Gwamnonin PDP sun yi fatali da tsagin Atiku, sun koma goyon bayan shugaba Tinubu kan abu 1 tak

Sarkin Musulmin ya ƙara da cewa Sheikh Zakir Naik ya samu damar wayar da kan Musulmai da waɗanda ba musulmai ba kan abin da Musulunci ya kunsa a wannan ziyara.

Zakir Naik Ya Sha Suka

A wani rahoton kuma Malamin addinin Musulunci Zakir Naik ya sha suka a wajen wasu 'yan Nigeria saboda kiran sojojin saman Nigeria 'Sojojin Mulunci'

Zakir Naik ya ziyarci Nigeria ne domin gudanar da wasu karatuttuka da wa'azi a garuruwa daban daban na kasar.

Asali: Legit.ng