Labarai

Shugaban Jam'iyyar PDP A Jihar Osun Ya Riga Mu Gidan Gaskiya Jim Kadan Bayan Barin Ofis

Laraba, Oktoba 11, 2023 at 2:29 Yamma daga Abdullahi Abubakar 2 - tsawon mintuna

Ana cikin jimami yayin da mutuwa áta riski shugaban jam'iyyar PDP a karamar hukumar Ede ta Arewa a jihar Osun
Marigayin, Alhaji Jimoh Oyekanmi ya rasu a daren jiya Talata 10 ga watan Oktoba bayan barin ofis
Jam'iyyar yayin sanar da mutuwar, ta nuna kaduwarta tare da sanya makoki har na tsawon kwanaki uku da dakatar da dukkan ayyukan jam'iyya

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Jihar Osun - Jam'iyyar PDP a jihar Osun ta sanar da mutuwar shugaban jam'iyyar na karamar hukumar Ede ta Arewa, Mista Jimoh Oyekanmi.

Shugaban jam'iyyar a jihar, Sunday Bisi ya ce mutuwar Oyekanmi ta zo a bazata bayan ya bar ofis a yammacin jiya Talata 10 ga watan Oktoba.

Shugaban PDP a jihar Osun, Jimoh Oyekanmi ya riga mu gidan gaskiya — Marigayi Shugaban Jam'iyyar PDP A Jihar Osun, Jimoh Oyekanmi. Hoto: Facebook.
Asali: Facebook

Yaushe shugaban PDP ya rasu a Osun?

Bisi ya nuna kaduwarshi kan mutuwar Oyekanmi inda ya ce mutum ne mai aiki tukuru wanda ba ya gajiya, cewar Punch.

Kara karanta wannan

'Yan Sanda Sun Ragargaji Yan Bindiga, Sun Ceto Sama da Mutum 170 da Aka Sace a Jihar Arewa

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Yayin da ya ke jajantawa iyalan mamacin da dukacin al'ummar jihar, ya ce jam'iyyar da dakatar da duk wasu ayyuka na siyasa, National Daily ta tattaro.

Ya ce an saka kwanaki uku na zaman makoki a jihar don yi masa addu'o'in dace wa a gaba, City Mirror ta tattaro.

Wane mataki PDP ta dauka a Osun don jajantawa?

Sanarwar ta ce:

"Jam'iyar PDP a jihar Osun ta kadu da mutuwar shugaban jam'iyyar a karamar hukumar Ede ta Arewa.

"Mutuwar abin takaici ne ganin yadda ta zo ba zato a daren jiya Talata 10 ga watan Oktoba.

"Yayin da mu ke jimamin mutuwar Alhaji Oyekanmi, mun dakatar da dukkan ayyukan jam'iyya na kwanaki uku kuma a saukar da tutocin jam'iyyar a ko ina."

Jam'iyyar ta mika sakon ta'aziya ga iyalan marigayin da jam'iyyar PDP da kuma daukacin al'ummar jihar Osun.

Kara karanta wannan

Dino Melaye Ya Gamu Da Gagarumin Cikas Yayin da Jiga-Jigan PDP Suka Sauya Sheka Wata 1 Kafin Zabe

Dan majalisar Tarayya a Sokoro ya rasu

A wani labarin, dan majalisa mai wakiltar mazabar Sabon Birni a jihar Sokoro Abdulkadir Jelani Danbuga ya riga mu gidan gaskiya.

Dan majalisar wanda ya fito daga jam'iyyar APC ya rasu ne a daren Laraba 11 ga watan Oktoba bayan gajeriyar jinya da ta kwantar da shi a asibiti.

Asali: Legit.ng

Authors:

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Tags:

Jihar Osun Jam'iyyar PDP Siyasar Najeriya Abun Bakin Ciki