Shigar Nuna Tsaraici Da Matar Fitaccen Mawakin Amurka Tayi Ya Fusata Mutanen Italiya, Sun Nemi a Kore Ta

• Bianca Censori, matar mawakin Amurka Kanye West ta haddasa cece-kuce a kasar Italiya saboda yanayin tufafinta mai nuna tsaraici
• Wasu mazauna Italiya sun nuna fushinsu sannan suka nemi a kori kyakkyawar matar daga kasar saboda yanayin shigarta
• Censori ta sanya tufafi mai shara-shara wanda ke nuna gaba daya surar jikinta a fili

Matar shahararren mawaki Kanye West, Bianca Censori ta haddasa cece-kuce a tafiyar da ma'auratan suka yi zuwa kasar Italiya a kwanan nan.

A cewar TMZ, ma'auratan sun ta yawo a fadin Italiya a cikin watan da ya gabata kuma Bianca bata hango faruwar wani abu ba yayin fitarsu.

Yanayin shigar Bianca Censori ya fusata al'ummar Italiya

Yanayin shigar da ta zabi sanyawa, wanda ya hada da rigar 'biri da wando' mai shara-shara wanda ke nuna tsaraicinta ya haddasa cece-kuce a bangaren wasu yan Italiya.

Kara karanta wannan

"Badakalar Miliyan 40": Amal Umar Ta Bayyana Gaskiyar Abun da Ya Wakana Tsakaninta Da Tsohon Saurayinta

Masu suka sun nemi a kore ta daga kasar ko ma a kama ta

Wani mai suka ya rubuta:

"Ya batun idan yan sanda a kowace kasa suka kama duk wanda ya fito tsirara? Ana kiransa rashin mutunci... Na gaji da yadda ake tilasta ni ganin mata tsirara kuma ya kamata a haramtawa yara ganin wannan."

Wani ya ce

"Ina fatan Italiya za ta kora su dukka biyun daga kasar. Basa bukatar wadannan biyun su gurbata ta."

An gano Bianca Censori a Los Angeles tare da North West

Da alama Censori ta hade da diyar Kanye mai shekaru tara, North West.

An gano su suna tafiya da hannayensu cikin juna yayin da suka halarci taron bazata da aka shiryawa mawakin a Los Angeles.

A cewar TMZ, taron bazatan da aka gudanar a Los Angeles ya samu halartan Bianca da North inda suka iso a tare, hannu cikin hannu, inda suka burge masu kallo.

Kara karanta wannan

Kaico: An kutsa gidan attajiri a Arewa, an sace matarsa mai shayar da jariri

Bianca ta sanya doguwar riga baka tare da bakaken takalma, yayin da North ta sanya riga mai kalar ruwan toka da bakin gajeren wando da bakin takalmi.

@DailyLoud ya wallafa hoton mutanen biyu dauke da taken:

"North West da amaryar Kanye Bianca Censori suna tafiya tare zuwa wajen taron zagayowar ranar haihuwar Kanye West a Los Angeles."

Amal Umar ta magantu kan alakarsu da Maryam Yahaya

A wani labari na daban, mun ji cewa shahararriyar jarumar masana'antar shirya fina-finan Hausa ta Kannywood, Amal Umar ta bayyana dalilin rashin ganinsu tare da takwararta kuma aminiyarta, Maryam Yahaya.

Ana dai yi wa matasan jaruman biyu da taurarinsu ke haskawa a masana'antar fim din lakabi da 'Hassana da Hussaina' saboda kusanci da shakuwarsu.

Asali: Legit.ng