Najeriya Ta Zama Kasa Ta 3 a Jerin Kasashen Nahiyar Afirika Da Ake Turanci Mai Kyau

• Najeriya ta samu matsayi a wata sabuwar ƙididdiga kan kasashen da suka iya turanci na manuniyar 'Education First English Proficiency Index' (EF EPI) da aka fitar
• A cewar sabuwar ƙididdigar, Najeriya ita ce ƙasa ta uku a nahiyar Afirika da ake Turanci mai kyau kuma ƙasa ta 28 a duniya
• Najeriya ta zo ta uku inda take a bayan ƙasashen Afirika ta Kudu da Kenya waɗanda suka zo na ɗaya da na biyu a cikin jerin

Najeriya ta zama ƙasa ta uku inda ake yin yaren Turanci mai kyau a nahiyar Afirika sannan ƙasa ta 28 a duniya.

A cewar rahoton ƙididdigar gwanancewa wajen Turanci da aka sanya a shafin 'Education First English Proficiency Index EF EPI', Najeriya ta samu matsayin ne a ƙididdigar ƙasashen da ake Turanci mai kyau 111 da aka gudanar a shekarar 2022.

Kara karanta wannan

Kungiyoyin Kwadago NLC Da TUC Sun Sha Alwashin Tsunduma Yajin Aiki Idan Aka Kara Farashin Litar Man Fetur

Najeriya ta zama ƙasa ta uku inda ake Turanci mai kyau a Afirika

Najeriya ta zama ta uku a cikin jerin ƙasashen da ake Turanci mai kyau a nahiyar Afirika. Ƙasar Afirika ta Kudu ta zo ta ɗaya yayin da ƙasar Kenya ta zo ta biyu a cikin jerin.

Ƙasar Afirika ta Kudu ta zo ƙasa ta 12 a duniya inda ake Turanci mai kyau yayin da ƙasar Kenya ta zo ta 20 a cikin jerin.

Ƙididdigar ta nuna ƙasashen nahiyar Afirika 20 sun samun shiga cikin jerin ƙasashen da ake Turanci mai kyau a duniya.

Sauran ƙasashen sun haɗa da Ghana ta huɗu a Afirika sannan ta 41 a duniya, sannan sai ƙasar Uganda ta biyar a Afirika kuma ta 55 a duniya.

Ga jerin ƙasashen Afirika 20 da suka shiga cikin ƙasashen da ake Turannci mai kyau.

Kara karanta wannan

Gwara Haka: Dakarun Sojoji Sun Soye 'Yan Ta'adda Masu Yawa a Arewacin Najeriya a Wani Luguden Wuta Da Suka Yi Musu

1. Afirika ta Kudu (12 a duniya)

2. Kenya (20 a duniya)

3. Najeriya (28 a duniya)

4. Ghana (41 duniya)

5. Uganda  (55 duniya)

6. Tunisia (56 a duniya)

7. Tanzania (63 a duniya)

8. Ethiopia (68 a duniya)

9. Morocco (76 a duniya)

10. Algeria (78 a duniya)

11. Egypt (85 a duniya)

12. Mozambique (86 a duniya)

13. Sudan (95 a duniya)

14. Cameroon (96 a duniya)

15. Somalia (100 a duniya)

16. Côte d’Ivoire (104 a duniya)

17. Angola (105 a duniya)

18. Rwanda (107 a duniya)

19. Libya (108 a duniya)

20. Democratic Republic of Congo (110 a duniya).

Masu HND Za Su Samu Kwalin Digiri

A wani labarin kuma, hukumar ilmin ayyukan hannu (NBTE) ta ƙaddamar da shirin karatun mayar da kwalin HND zuwa na digiri.

A wannan sabon karatun wanda za a yi cikin shekara ɗaya, masu kwalin HND za su samu kwalin digiri bayan sun kammala.

Asali: Legit.ng