Mutane Sun Yi Sammako, ‘Yan Sanda Sun Fatattaki Masu Zanga-Zanga a Kano

• Mutane sun shiga zanga-zangar lumunar da aka fara domin yin Allah-wadai da tsare-tsaren gwamnati
• A jihar Kano, masu yin zanga-zangar sun hallara tun sanyin safiyar yau, amma sun gamu da ‘yar cikas
• Gwamna Abba Kabir Yusuf ya yi kokarin ya lallashi mutane su hakura da zanga-zangar da aka shirya

Kano - A safiyar Talata, jami’an ‘yan sanda su ka fatattaki wasu cikin kungiyoyin da ke shirya zanga-zanga domin nunawa gwamnati fushinsu.

Daily Trust ta ce jama’a sun bi bayan kungiyar kwadago ta kasa (NLC), ana zanga-zanga da nufin nuna rashin amincewa kan janye tallafin fetur.

Wani wanda ya shaida abin da ke faruwa, ya ce an fara zanga-zangar kafin zuwan ‘yan sanda.

Tun karfe 7:00 na safe, masu zanga-zangan su ka taru a gidan Murtala, kusa da titin Kofar Nasarawa, tafiyar kilomita biyu zuwa karamar hukumar birni.

Kara karanta wannan

Da Dumi-Dumi: Majalisar Dattawa Ta Dauki Mataki Bayan Masu Zanga-Zanga Sun Kutsa Kai Cikin Harabarta Da Karfin Tuwo

Amma lokacin da manema labarai su ka iso, sai ‘yan sanda su ka mamaye wurin da aka yi zanga-zangar.

‘Yan kwadago sun hurowa gwamnati wuta a dalilin tashin farashin man fetur. Zanga-zangar sun kankama a Legas, Benin, Benin Oyo da garin Abuja.

Legit.ng Hausa ta samu labari mutane sun taru a shatale-talen unguwar Mundubawa da ke garin na Kano domin fara wannan zanga-zangar lumuna a yau.

Kiran da Abba Gida-Gida ya yi

Mutane sun yi watsi da Gwamna, an fara zanga-zanga gadan-gadan a jihar Kano

A cewar Vanguard, Gwamnan Jihar Kano, Abba Kabir Yusuf ya roki kungiyar NLC ta hakura da yin wannan zanga-zanga, ya ce za a shawo kan lamarin.

Mai girma Abba Kabir Yusuf ya shaidawa ma’aikata cewa gwamnatoci a kowane mataki, su na kokarin kawo tsare-tsare domin rage wahalar da ake ciki.

Kara karanta wannan

Ministan Buhari Ya Ya Ja Kunnen Gwamnatin Tinubu Kan Hambarar da Bazoum a Nijar

Sanusi Bature Dawakin-Tofa ya ce gwamnan Kano ya bayyana haka ne a wajen taron da ya yi da CRC a gidan gwamnati, yake cewa zai fito da tsare-tsare.

Daga cikin hanyoyin da gwamnati za ta bi domin saukakawa al’umma akwai dawo da motocin Kanawa da rabawa dalibai kayan makaranta a kyauta.

Tinubu a tsaka mai wuya

Idan kungiyar ECOWAS ta zura ido kan lamarin Nijar, rahoto ya zo cewa ‘yan ta’adda za su iya sake mamaye Najeriya yadda aka yi lokacin Boko Haram.

A gefe guda kuma amfani da karfi zai iya jawo kasashen Afrikan su shiga yaki, su yi ta kashe junansu yayin da manyan Duniya za su zura masu idanu.

Asali: Legit.ng