‘Yan Sanda Sun Bazama Farautar Wadanda Suka Sace Boka A Anambra

• Wani shahararren boka ya gamu da tsautsayi bayan masu garkuwa da mutane sun sace shi a dakin otal
• An sace Chinedu Nwangwu ne a ranar Lahadi 23 ga watan Yuli da dare tare da kashe masu tsaronshi mutum biyu
• Mai hulda da jama'a na rundunar 'yan sandan jihar, DSP Tochukwu Ikenga ya tabbatar da sace bokan ga 'yan jaridu

Jihar Anambra - Masu garkuwa sun sace wani shahararren boka a jihar Anambra mai suna Chinedu Nwangwu da aka fi sani da Akwa Okuko Tiwaraki.

An sace Chinedu ne a ranar Lahadi 23 ga watan Yuli bayan harbe wasu masu tsaronshi su biyu a kokarin sace shi.

Bokan ya sanu wurin nuna arzikinsa da kuma karfin ikon da yake da shi na tsafi a kafafen sada zumunta, cewar TheCable.

Kara karanta wannan

'Yan Bindiga Sun Yi Garkuwa da Wani Fitaccen Ƙwararren Likita Yana Kan Aiki a Arewacin Najeriya

Har yanzu ba a san halinda bokan ya ke ciki ba

Punch ta tattaro cewa an sace bokan ne a dakin otal dinsa na Triple P da ke Oba a ranar Lahadi da dare.

Wata majiya ta tabbatar cewa har yanzu ba a san inda bokan ya ke ba tun bayan sace shi da aka yi da misalin karfe 11:30 na dare, Vanguard ta tattaro.

Majiyar ta ce:

"An sace Akwa Okuko Tiwaraki da misalin karfe 11:30 na dare a dakin otal dinsa bayan bindige wasu masu tsaronsa guda biyu har lahira."

'Yan sanda sun tabbatar da sace bokan, sun bazama ceto shi

Mai hulda da jama'a na rundunar a jihar, DSP Tochukwu Ikenga ya tabbatar da faruwar hakan inda ya ce an sace bokan ne da misalin karfe 11:30 na daren ranar Lahadi.

Kara karanta wannan

‘Yan Sandan Nasarawa Sun Bi Motar Da Aka Sace Daga Jihar Zuwa Taraba, Sun Kamo Mutane Biyu

Duk da cewa wasu daga cikin magoya bayan bokan sun bayyana cewa an sako bokan kamar yadda suke yada wani faifan bidiyo a jiya Litinin 24 ga watan Yuli.

Rundunar 'yan sanda ta musa labarin cewa an saki bokan inda ta ce babu wani kamshin gaskiya a cikin sakin bokan, cewar Daily Trust.

Mummunan Karshe: Boka Ya Mutu Ya Na Lalata Da Uwargidar Wani Fasto

A wani labarin, wani boka ya yi mummunan karshe bayan ya mutu ya na lalata da wata matar fasto a jihar Ekiti.

Rahotanni sun tabbatar cewa bokan ya aikata hakan ne a ranar Alhamis 5 ga watan Janairu a Ikere Ekiti da ke jihar.

Fadayomi Kehinde wanda boka ne da aka fi sani da Ejiogbe ya mutu ne yayin da yake wani otel a garin na Ikere Ekiti tare da matar faston.

Asali: Legit.ng